КАДЫРАЛИЕВ КАРМАТПАЙ ЖАТАТ

“Издөөгө жарыяланган Канжар Кадыралиев ээн-эркин Куршабда сайрандап жүрөт”,- деген билдирүүнү Канжар Кадыралиевден жапа чеккенин айтып укук коргоо органдарына арыз жазган Келдибаевдердин үй-бүлөсү маалымат жыйынында билдиришти. Алардын айтымында, Канжар Кадыралиев аларга телефон чалып, оорукчан балдары барын айтып, кечирим сурап жатат. Бирок эмнегедир эле аны милиция кызматкерлери таба албай жатышат. 19-ноябрдан бери бул адамды издеп, таппай жатканы милиция кызматкерлеринин шалаакылыгыбы же "карга карганын көзүн чукубайт" түшүнүгү себеп болуп жатабы? Ош облустук ички иштер башкармалыгынан: "Милиция издебей жатат" деген сөздөр туура эмес, аны табуу боюнча бардык чаралар көрүлүүдө, бирок дайыны жок. Канжар Кадыралиевдин өлкөдөн чыгып кеткендиги боюнча чек ара кызматында маалымат жок. Башка бирөөнүн ысымы менен чек арадан мыйзамсыз өтүп кетиши мүмкүн деген божомол бар. Ошондуктан Интерполго кайрылып, материалдарды жөнөттүк”,- деп билдиришти.
Эске салсак, Өзгөн районунда жашаган Сактан Келдибаев аттуу ишкердин туугандары Ош шаардык прокуратурасынын кызматкери Канжар Кадыралиев ишкерди коркутуу жолу менен кафель чыгарган заводун тартып алууну көздөп жатканын айтып, арыз жазышкан. Анын артынан Абдиматалип Бекташев аттуу адам Кадыралиев коркутуу жолу менен анын ижарага алып жүргөн жер тилкесин тартып алганы жатканын айтып, укук коргоо органдарына кайрылган. Буга катар 2010-жылы каза тапкан “Чёрный Айбек” лакап аты бар криминалдык авторитет Айбек Мирсидиковдун апасы да милицияга кайрылып, Канжар Кадыралиев анын уулунун 25 жылкысын айдап кетип, акысын бербей койгону боюнча арызданган. Башкы прокуратура Канжар Кадыралиевге карата “бейбаштык”, “өзүм билемдик” жана “зомбулук көрсөтүү менен талап кылуу” беренелери боюнча кылмыш ишин козгогон. Мунун негизинде Канжар Кыдыралиев Ош шаардык прокуратурасындагы ээлеген кызматынан бошотулган. Жалпы жонунан Канжар Кадыралиевдин үстүнөн 6 арыз түшкөнү айтылууда.

Наргиза Бекжанова
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

doni89

2014-12-22 09:42:40

Чек арадан чыгып кети деген маалмат жок болсо демек кыргызстанда болотда))))

nazi0807

2014-12-22 09:43:20

Апасынан сурашыптырбы? анан кийин айтып чыгат уйдо чай ичип ортурдук деп.

amanatym

2014-12-22 10:41:23

куч органдары мандайында турганды кармай алышпаса анда билбейм. Тартип болбой калды го бизде.

suiuktuujar

2014-12-22 11:36:57

Тура карга карганын козун чукубайтда азыр акчанболсо баарын сатып алсан болот.

timan.86

2014-12-22 11:44:23

Мышык чычкан ойномой дагы башталдыбы?

Looks

2014-12-23 16:13:27

Ал деген кыйында. Ал спальныйда эле жатат. Бирок таппайсынар.

edelveis0088

2014-12-23 18:28:56

мына сага демократия....

aijan280389

2014-12-24 06:02:28

Канжарды го таппай жатабыз деп шылтоо айтып жатышат. Камактагы адамды чыгарып качырып жиберип атышпайбы,бул емне болуп калыптыр.

Aibo88

2014-12-24 10:14:36

Kytaida bolgondo it katary atyp salmak.

begusia

2014-12-24 11:47:11

Келдибаевтер,эч кимди жыргатпайт. Канжардын кылганы чын болсо туура эле кылган

-1

xxx.007

2014-12-26 05:49:21

6 арыз кызык аз убакытта эле 6арыз тушсо

Комментарий калтыруу үчүн өз ысымыңыз менен кириңиз же каттоодон өтүңүз.

№ 633, 19-декабрь-25-декабрь, 2014-ж