КЫРГЫЗСТАНГА ОӉ РУЛДУУ УНААЛАР КИРБЕЙ КАЛАБЫ?

Жогорку Кеӊештин Транспорт, коммуникация, архитектура жана курулуш комитети 16-декабрдагы отурумунда оӊ рулдуу автоунааларды өлкөгө алып кирүүгө тыюу салчу мыйзам долбоорун 2-окууда жактырышты. Эми ал жалпы жыйында каралат.
Ал эми Жол-кайгуул кызматынын башчысы Сергей Дьяченко: "2015-жылдын 1-январынан тарта Кыргызстанга оӊ рулдуу унааларды алып кирүүгө тыюу салынат",- деп ишенимдүү билдирүүдө. Ал 2016-жылдан тарта оӊ рулдуу унааларды коммерциялык багытта пайдаланууга да чектөө коюларын айтты. Бирок өлкөбүздөгү оӊ рулдуу унаалардын жүрүшүнө тыюу салынбайт.
Жогорку Кеӊештин Транспорт, коммуникация, архитектура жана курулуш комитетинин жыйынында оӊ рулдуу унааларды сол рулдуу кылып жасап чыгуу керек деген демилге колдоого алынган жок. Жыйынга катышып жаткан ички иштер министринин өкүлү “рулду бир тарабынан экинчи тарабына которууда бир катар механизмдер бар. Ал иш бизге туура келбейт. Бул нерсе жол кырсыгын 2 эсеге жогорулатып жибериши мүмкүн”,- деп билдирди. Бирок жол кырсыктарынын көп болушуна рулдун кайсы тарапта экендигинен мурун МАИчилердин мас айдоочулардан пара алып коё берип, айдоочулук күбөлүктү саткан фактылары, өлкөбүздөгү айдоо маданиятынын дээрлик жоктугу себеп болуп жаткандыгына тиешелүү мекемелер анчейин көӊүл бөлбөй жатышат.

Наргиза Бекжанова
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (13)

asiret

2014-12-22 12:28:39

Унаалардын рулуна эмес рулда олтурган айдоочулардын сапатына караш керек.

kara_kulzha

2014-12-22 16:45:45

Өзүнүн башындагы төөнү көрбөй, бирөөнүн башындагы чөптү көрөт.

Beka90

2014-12-22 19:18:47

Олчойгон креслодо олтуруп алып айдоочулук куболукту саттуу кимге жакпасын? Баарына жагат. Ошондуктан алар кирешелуу тармака анча конул бурушпайта. Бул жаны закон капчыгы жука элибизге жаман таасир этет.

Nazar.arapbaev

2014-12-22 20:30:34

ооба бул закондун кереги жок эле,айдай алган адамга айырмасы жок

nerrazuri

2014-12-23 01:01:48

Негизи левый руль кылыш керек унааларды, эмне дегенде азыр правый рулга караганда левый рулдагы унаалар коп болуп жатат. Азыр правый рульда кымбат баалуу машинелер менен СССРдин заманынан калган унаалар эле калган болуш керек

Nurtilek001

2014-12-23 01:23:12

рульдан эмес айдагандан

temirov76

2014-12-23 13:36:01

Кеп он рул сол рулда эмес,машинаны айдай билген эрежени сактаган адамга рулу артында болгон машинаны берсен да айдай берет,азыр айдоочуларда бири бирин сыйлоо деген жок,машинасынын тумшугу эле батса болду жоолоп жонойт,менден мурда бул машина отуш керек эле деген ойду такыр эле унутуп койгон

emigo

2014-12-24 03:56:33

temirov76,
эн туура жазылган комент. болуптур!!! +5

aske2012

2014-12-24 16:05:01

эрежени жана айдоосулар машинанын суммасына эме эрежеге карап айдаса ок болмок. негизи сый жок

EdikoKG

2014-12-24 16:08:18

Орок оро албаган,орок тандайт.

Bek94

2014-12-25 04:00:27

Жок он рулду абдан эле ынгайсыз го менимче.

LadyD

2014-12-26 12:02:34

бут эле он рулга шылтап салышты, коро жатарбыз эми кандай болот... лада калиналарды айдап калат турбайызбы

bishkek90

2014-12-26 12:38:45

правый рулдар керек эмес кыргызстанга алып салыш керек негиз.

Комментарий калтыруу үчүн өз ысымыңыз менен кириңиз же каттоодон өтүңүз.

№ 633, 19-декабрь-25-декабрь, 2014-ж