ОШ ЖАҢЫ ЖЫЛДЫ ГАЗ МЕНЕН ТОСОТ

30-декабрдан тартып Кыргызстандын түштүк аймагына газ бериле баштады. Бул тууралуу «Газпром Кыргызстан» ЖЧКсы билдирди. Маалыматка караганда, «Газпром Кыргызстан» 2015-жылга карата жаратылыш газын ташуу боюнча «Gazprom Schweiz AG» компаниясы менен келишимге кол койгон. Аталган компания «Газпром» холдингинин курамына кирет жана Борбордук Азиядан Европага жаратылыш газды ташуу жана сатуу иштери үчүн жооп берет. Буга чейин Кыргызстандын өкмөтү жана «Газпром» компаниясы бир канча жолу өзбек тарап менен сүйлөшүүлөрдү жургүзгөн. Бул жолугушуулардын жыйынтыгында Өзбекстандан Кыргызстандын түштүк аймагына газ берүү чечими кабыл алынган.
Келишимдин шарттарына ылайык, 2014-жылдын 30-декабрынан баштап өлкөнүн түштүк аймагындагы облустарга газ берүү калыбына келтирилди. Ош шаардык мэриясы газ түтүктөрүн текшерүү, оңдоп-түзөө иштерине байланыштуу көгүлтүр от 30-декабрь кечке маал бериле баштаарын билдирди. Көгүлтүр оттун тарифи да өлкөнүн түндүк аймагындагы баанын деңгээлинде бекитилет. 2014-жылдын декабрь айындагы тариф калк үчүн 1 метр кубуна 13 сом 54 тыйынды түзгөн. Өнөр жай ишканалары, коммерциялык жана бюджеттик уюмдарга 1 метр куб газдын баасы 16 сом 30 тыйын деп бекитилген.
Эске салсак, Өзбекстан 2014-жылдын 14-апрелинде Кыргызстандын түштүк аймагына газ берүүнү токтоткон болчу.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Oceana

2015-01-05 11:32:05

Охооо жакшы болуптур

jasi

2015-01-05 12:34:18

Дагы деле бере элек

Diana92kg

2015-01-05 16:08:44

ээээ,уже 5 января, газ жок дагы деле.

emigo

2015-01-06 04:48:43

Анан эмне еле пададан алдын чан чыгарышыпатат газ жок болсо,,,,,,,,,,,,,.

ziya

2015-01-06 23:16:38

Подхалимдер

Meerman

2015-01-07 06:59:53

Тээ алыскы Лейлек районунун Акарык айылынын дет.садиги тазалык боюнча 1-орунду алганда чондор куттуктап келип, компьютер белек кылышыптыр да видеого тартып телевизорго чыгарыптыр да кайта компту унчукпай которуп кетип калыптыр. Эми ушуга кандай карайсынар. Булар алдамчылар да.

tuba83

2015-01-07 22:15:42

алдамчы чондор

otin

2015-01-09 11:23:11

Кайдагы газ--? жок газ пока бере элек бугун 9.01.2015

alpekova

2015-01-10 09:34:42

Оа да жок го

shaa.kyrgyz

2015-01-10 18:16:08

Биздин чондор баарын таеквондодо машыгышат. Ошол учун кулакка да жакшы тебишет.

Nur45

2015-01-11 12:35:49

ОШто ХБК к-н дагы деле газ жок. Бугун 11-январь

solnyshko

2015-01-13 18:10:40

Алдашты,келген жок газ,калпле жакшы корунуп элге,газ бердик деп мактанышып,Жаны жылды Оштун эли газ менен эмнс,печка,плитка очок менен тосту))

Комментарий калтыруу үчүн өз ысымыңыз менен кириңиз же каттоодон өтүңүз.

№ 635, 2-январь-8-январь, 2015-ж