ПРЕЗИДЕНТ ЭЛЕКТР ЭНЕРГИЯСЫНЫН БААСЫН КАРАП ЧЫГУУНУ ТАПШЫРДЫ

8-январь күнү президент Алмазбек Атамбаев энергетика жана өнөр жай министри Кубанычбек Турдубаев менен отун-энергетикалык комплексти жөнгө салуу боюнча агенттиктин директору Нурбек Элебаевди кабыл алды. Анда мамлекет башчы Казакстандан импорттолуп жаткан электр энергиянын көлөмүнүн кыскара баштагандыгына байланыштуу эки жетекчиге керектөөчүлөр үчүн электр энергиянын баасын ылдыйлатуу боюнча мүмкүнчүлүктөрдү карап чыгууну тапшырды.
Эске салсак, 2014-жылдын 11-декабрынан тартып электр энергиясына жаӊы тариф киргизилген. Ага ылайык, калк айына 700 киловатт-саатка чейин электр кубатын пайдаланса, тариф 70 тыйын бойдон калат. Ал эми социалдык нормадан же 700 киловатт-сааттан ашыкча электр энергиясын колдонгон абоненттер 2 сом 5 тыйындан төлөмөй болушкан.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Kara-kulzha

2015-01-12 14:23:48

5 сомдон алып, элге 2.30 сомдон сатып.

Pantherka

2015-01-12 15:04:58

ар кимдикин ар кандай эсептеп, 70 тыйындан 400 кв эле эсептеп атышат, ар кимдикин ар кандай эсептеп светчилер жыргап атышат, же козомолдогон эч ким жок((((((((((

rus.sayk

2015-01-12 17:20:00

Светчилердин коррупциясына жакшы шарт тузулуп калды окшойт.....

Комментарий калтыруу үчүн өз ысымыңыз менен кириңиз же каттоодон өтүңүз.

№ 636, 9-январь-15-январь, 2015-ж