КАНЫБЕК ИМАНАЛИЕВ МЕНЕН КАРГАНБЕК САМАКОВ МУШТАШТЫ

Жогорку Кеӊештин депутаттары Карганбек Самаков менен Каныбек Иманалиев мушташып кетишти. Бул жаӊылык 14-январда маалымат айдыӊында таркап, көӊүл чордонун ээледи. Окуядан кийин Каныбек Иманалиев SUPER.KG порталына: «Мушташкан жокпуз, залдан чыгып баратып түртүшүп кеттик. Дароо башка эл өкүлдөрү келип ажыратып калышты. Анчалык деле олуттуу себеп жок. Мени "Самаковду бетке муштады" деп жатышат, бирок аны бетке урган эмесмин»,- деп айтты. Ал арада Карганбек Самаков укук коргоо органдарына арыз менен кайрылганы жатыптыр деген да маалыматтар таркады. Бирок Карганбек Самаковдун чөйрөсүндөгү жакын адамдарынын бири: «Бул инцидент өттү-кетти. Арыз жазылбайт. Эркектер арасында мындай боло берет»,- деди. Ал эми Регламент жана депутаттык этика боюнча комитет башчысы, депутат Айнуру Алтыбаева бул боюнча маалымат булактарына «билишимче, алар аябай жакшы дос болуп жүрүшкөн» деп билдирген.
Депутаттардын маселени муштум менен чечүүгө аракет кылганы биринчи жолу болуп отурган жок. Кезинде Камчыбек Ташиев фракциялашы Бахадыр Сулеймановду ур-токмокко алып жибергени маалым болгон. Аз өтпөй ошол эле Камчыбек Ташиев менен Алтынбек Сулайманов чарпыша кетип, арачага түшкөн Садыр Жапаров менен Камчыбек Ташиевдин бети канга боёлгон сүрөттөрү бүгүнкүгө дейре интернетте жайылып жүрөт. «Ата Мекенчи» Өмүрбек Текебаев менен Өмүрбек Абдрахмановдун да жакалашып кеткени бар.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (35)

edelveis0088

2015-01-20 18:20:06

жогорку кенештин ортосуна ринг орнотуп коюш керек болду....

taku0214

2015-01-20 23:41:07

Экоонун чечише албай жургон маселеси бар го. Жондон жон кайдан мушташсын.

rk.kazaliev

2015-01-21 03:07:23

ой молодца депутатар кылаарга башка ишинер жок та мушташкыла бекерчиликтин айынан дос болчу деп коет депутатар дос эмне экенин билет бекен озу

Altyn10076

2015-01-21 03:48:30

Азамт эрек эмес бекен балии

baba.

2015-01-21 13:09:19

Булар кимдер озу...мен тааныбадым.оздорун мушташып таанытайын дешкенго чамасы.эми тааныйым.

Aselina_kg

2015-01-21 15:59:40

Ммм....Кызык.... Эмне талашып мушташышты экен? Элдин тагдыры тууралуубу?Же,кайсы бир коп акча алып келуучу жайды талашыппы? Акыл эстуу адамдарды мушташып кеткени жагымсыз жорук .Соз мн чечишсе болмок.Элге журтка соз болбой

nurzat.71

2015-01-21 20:02:19

Биринчи жолку корунуш эмес ко,анча тан калуунун кажети жок.

Jakyp92

2015-01-21 23:59:36

Дом 2. Эч айырмасы жок!

gylburak_kg

2015-01-22 02:50:59

Уят эле

admin_superstan

2015-01-22 16:13:21

kazemir, баш тамгалар грамматикалык эрежелерге ылайык колдонулушу керек. Билдирүүңүз өчүрүлдү!

_KipchaK_

2015-01-22 17:36:24

Ушул депутаттарга акча чогултуп ринг жасап берет окшойбуз ак уйдун жанына.

saiko.r

2015-01-23 00:09:15

Bulardyn kozdorun mai basyp kalganda uyat degen nerseni unuttup. Anan jashtar buzuldu dep kalyshat ushul sozdu aitardan murun oshol jashtarga kimder primer bolup atat, kim tarbiya berip atat dep oilonup korsonor. Jash baladai bolup el aldynda mushtashpai...kichine arydan beri bolup degendei

Bekish-kg

2015-01-23 14:08:49

Неме,боло берет турмушта,особенно кыргызда деп койот эмесби:)

samat0094

2015-01-24 03:43:21

кимиси женди экен

Leili

2015-01-24 20:29:12

Мушташкандарын коруп эле отурсан ээ депутатардын мушташы деген партия болсо эээ

Комментарий калтыруу үчүн өз ысымыңыз менен кириңиз же каттоодон өтүңүз.

№ 637, 16-январь-22-январь, 2015-ж