ЮСТИЦИЯ МИНИСТРЛИГИНЕ ШЫКМАМАТОВДУН ОРУН БАСАРЫ ДАЙЫНДАЛДЫ

17-январь күнү Жогорку Кеңештин депутаттары өкмөт башчы Жоомарт Оторбаев тарабынан юстиция министри кызматына сунушталган Жылдыз Мамбеталиеванын талапкерлигин жактырышты. 44 жаштагы жаңы министр юридикалык факультетти аяктап, эмгек жолун өкмөттүн юридикалык бөлүмүндө иштөөдөн баштаган. 2008-жылдан 2015-жылга чейин юстиция министринин орун басары болуп иштеп келген.
Жыйында Жогорку Кеңештин депутаты Абдыжапар Бекматов талапкер тууралуу: «Жылдыз Мамбеталиева бул кызматка ракета менен учуп келип калган жок. Ал консультанттан тартып министрдин орун басарына чейин тепкичтердин баарын басып өткөн»,- деп айтты. Соңунда депуттардын 72си жаңы министрге колдоо көрсөтсө, экөө каршы добуш берди.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

ooki8888

2015-02-24 21:12:52

Ишинизге ийгилик. Эл учун иштеп бериниз!

Bakyt.shutov

2015-02-27 10:35:54

Бийликке жалаң гана аялдар келип жатат го.игрушка дегендей.

Комментарий калтыруу үчүн өз ысымыңыз менен кириңиз же каттоодон өтүңүз.

№ 642, 20-февраль-26-февраль, 2015-ж