ПУТИН ЭСКИ ҮЛГҮДӨГҮ ПАТЕНТТЕРДИН ЖАРАКТУУ МӨӨНӨТҮН УЗАРТТЫ

Орусияда мигранттардын 2014-жылдын үлгүсүндөгү патенттеринин жарактуу мөөнөтү узартылды. Тиешелүү мыйзамга Орусиянын президенти Владимир Путин кол койгонун Президенттик администрациясы жарыялады.
Маалыматка ылайык, аталган документ жогорку квалификациялуу адистер делинген чет өлкөлүк жарандарды Орусиянын аймагында эмгектенүүгө тартуу тартибин жакшыртууга багытталган. Эми 2014-жылдын ичинде 300 миӊден ашуун патент берилген Орусиянын субъектисинин жогорку кызмат адамы патенттин мөөнөтүн узартуу сунушу менен миграция боюнча башкармалыкка кайрыла алат. Патент берилген күндөн баштап аны колдонуунун жалпы мөөнөтүн 12 айдан ашырууга мүмкүн эмес.
Мындан тышкары жаӊы патент алууга керектелген документтердин тизмеси толукталды. Эми мигрант жалпысынан төмөнкү кагаздарды чогултушу керек: патент алуу жөнүндө арыз, чет өлкөлүк жарандын өздүгүн ырастаган документ, миграциялык карта (анда келүүнүн максаты «иштөө» деп белгилениши керек), бир жылдык мөөнөткө берилүүчү ыктыярдуу медициналык камсыздандыруу полиси, оорулуу эместиги тууралуу маалым кат, орус тили, Орусия тарыхы жана мыйзамдары боюнча билими жөнүндө сертификаты, эгер патентти каттоо боюнча кайрылуу такталган мөөнөттөн (30 күн) кийин түшсө айып пул төлөнүшү керек. Эгер мигрант мындайга кезиксе айып пулду төлөөнү тастыктаган документти да тапшырат, каттоого тургузулгандыгы боюнча документ (каттоо), жеке жактардын кирешелерине салыгы такталган аванстык төлөм түрүндө төлөөнү тастыктоочу документтер.
Экономика министри Темир Сариевдин айтымында, Кыргызстан быйылкы жылдын 9-майына белгиленген Евразиялык экономикалык союзга кирген соӊ кыргызстандык жарандар биримдикке кирген өлкөлөрдө уруксат кагаздары жок ишке орношо алышат. Орусияда орус тили боюнча сынак бербей калышат. Медициналык тейлөө кепилдиги да берилет жана алардын балдары эч кандай көйгөйсүз эле бала бакчаларга, мектептерге бара алышат.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (13)

nazi25

2015-03-16 10:54:46

Ой тезирээк эле май келсе экен.Чыдамсыздык менен кутуудобуз.Сариевдин айтканы ырас болсо экен.

Deesmond

2015-03-16 11:17:05

Эски патент жарабайт дегенинен февраль айында төлөбөй таштап койгоом,
Эми эмне кылат экенбиз ???

paula.90

2015-03-16 12:47:22

Ошону айтсанар менда эски патенттимди толобой койгомун(((

kadamjai90

2015-03-16 14:03:20

Эгер чындап патентсиз иштеп калсак жакшы болмок.

vbrb

2015-03-16 14:14:10

жогорку квалификациялуу кызматчылардын патеннтеринин мооноту узартылат, катардагы жумушчулардыкы эмес

Orozbek.kg

2015-03-16 16:54:03

Ошондо 9-майдан кийин 1 жыл ашуу журсо да болот бекен ?

Akabai

2015-03-16 22:00:29

Оозуна май Сариев

kazemir

2015-03-17 09:29:34

Сариевтин эмгеги емес Алмаздыкы мээнет бечара президент болсо да боорун ооруйт Москвага каттай берет.

kazemir

2015-03-17 09:31:18

Сариев очко топтой коем деп айтаберет ал эмне пресс катчы эмеско ордуну билсе болот.

begai93

2015-03-17 17:20:46

Ушу бир узартып бир кыскартып жаман эле адамды ойнотуштуго!Баштанле жаратып койушпайбы эски патенттерди канча деген адамдар толобой коюшуп бекер куйуп кетпедиби.

kammilla

2015-03-18 00:33:52

Эмне эле футбол ойноп жатышат!!!

aikosh1991

2015-03-23 01:43:37

Урматтуу супер инфо кара тизмеге киргендер май айында чыгарылат денег чын бекен ушуну билип бересинерби алдын ала рахмат

admin_superstan

2015-03-23 12:46:24

aikosh1991, саламатсызбы!
Төмөнкү шилтемелер менен өтүңүз:
http://www.super.kg/kabar/news/101225/
http://www.super.kg/kabar/news/101233/

Комментарий калтыруу үчүн өз ысымыңыз менен кириңиз же каттоодон өтүңүз.

№ 645, 13-март-19-март, 2015-ж