ЫРГАЛ КАДЫРАЛИЕВА МАНДАТЫН ТАПШЫРАБЫ?

Өткөн жумада Ош шаардык прокуратурасынын мурунку кызматкери, издөөдө жүргөн Канжар Кадыралиев Башкы прокуратурага өзү келгендиги белгилүү болгон. Эске салсак, 2014-жылдын 19-ноябрында Кадыралиевге издөө жарыяланып, укук коргоо органдары аны таппай келе жаткан болчу. «Издөөдө жүргөндө Канжар Кадыралиев Бишкек шаарында карындашы, Жогорку Кеӊештин депутаты Ыргал Кадыралиеванын үйүндө жашырынып жатышы мүмкүн» деген маалымат «Тез жардам» кызматынын маалыматына шилтеме берүү менен жарыяланды.
Алсак, Бишкектеги «Тез жардам» станциясынын директору Жаркынбек Касымбеков Акипресс агенттигине 21-мартта жана 26-мартта борбор калаадагы үйлөрдүн бирине барып, Канжар Кадыралиев аттуу жаранга медициналык жардам көрсөтүп келишкендигин маалымдаган. 26-мартта ошол эле дарекке экинчи ирет «Тез жардам» чакыртылып, бул жолу Канжар Кадыралиев ооруканага барууга аргасыз болгон. Бул кызматтын дарыгерлери барган үй Мамлекеттик каттоо кызматынын маалыматына ылайык, Ыргал Кадыралиеванын атасы Кармышак Кадыралиевге катталган.
Эске салсак, Канжар Кадыралиев 26-март күнү Башкы прокуратурага өзү келген. Ош шаардык соту аны 1 айга камакка алуу чечимин чыгарган. Бирок учурда анын ооруканада дарыланып жатканы маалым. Кадыралиевге карата «бейбаштык», «өзүм билемдик» жана «зомбулук көрсөтүү менен талап кылуу» беренелери боюнча кылмыш иши козголгон.
Кыргыз Республикасынын Кылмыш жана жаза кодексинин 339-беренеси боюнча кылмышты жашыруунун өзү кылмыш болуп саналат. Бирок жашыруу жакын туугандарына карата болсо, ал жаран кылмыш жообуна тартылбайт. Ыргал Кадыралиева Кылмыш жана жаза кодексинин ушул нормасына таянып агасын үйүндө жашырып жүргөн өӊдүү. Бийлик башында турган КСДП фракциясы үчүн бул окуя аброй алып келбеси бышык. Учурда интернет айдыӊында «Атамбаев Европадагы расмий иш сапарында азыр Кыргызстанда кол тийбестер жок деп айтты. КСДПнын аталган депутатынын мындай окуялардан соӊ мандатты алып жүрүүгө моралдык укугу жок. Мандатын тапшырбаса президенттин сөзү чындыкка коошпой калат» деген өӊдүү талкуулар жүрүп жатат.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (40)

aziziko

2015-04-07 12:49:24

Озунор деле ойлосонор жон эле жургон кишини атып кетпейт да туурабы? Байкеси да жон журбогон учун атып кетти да . Булардын семясы атасы баш болуп аябай ээн баш болуп элге кыйын болуп конуп алышкан. Анан ошондой кишилер бизде депутат болуп атса анан жонокой эле жаран мени эмнени кылам? Кыргыздар башынан сасыйт

yazem

2015-04-07 16:21:17

мандат Ыргалга баш орутчу нерсе эмес

-2

kama_future_millioner

2015-04-07 20:07:01

Арызын жазсында кете берсин өзү депутаттардын санын азайтыш керек

bayana1987

2015-04-07 20:58:30

Депутат дес еэле атабыздын олтургон желмогуздай коруп алыптырбыз го чиркин.

sergo

2015-04-08 01:37:19

Менин комментарими эмнеге очуруп салдынар админ баары менден хуже жазыптырго.

admin_superstan

2015-04-08 10:41:55

sergo, саламатсызбы!
Сиз бул макалага комментарий жазган эмессиз.

kubat_1973

2015-04-08 13:52:13

Тапшырсын мээси жок депутаттардын саны андан азайбайт да кобойбойт.Озуно эле жакшы болот жакшы соз укпаса да жок дегенде жаман соз уккандан кутулат.

nurka_85

2015-04-08 14:43:50

Бизде Ыргалдай кыздар аз эле.
Андан башкасын соттоп жазалап алгылачы. Калп эле кыйын боло бербей.

-2

bopos

2015-04-08 15:02:24

Ыргалдан башкасы деле кыйратпай журушот,андыктан баарын тазалап эл деген адамдарды коюш керек.

nusichka

2015-04-08 15:42:31

азыр элди ойлогон эч ким жок, мандатын тапшырса, тапшырбаса деле жашоо турмушубуз онолуп кетпейт, озубузго куч кубат берип алдыга умтула берели

Erniet

2015-04-09 12:43:32

Кыскасы бунун деле соо эмес саясаттын сазына баткан сон эч ким чыгалбайт накта паракор кылмышкер жалганчы каракчы ушул биздин улуу урматтуу АША баш болгон ЖК менен АК уйдун арамкор жемкор адам сымал макулуктары

ferideMS

2015-04-09 12:47:39

Уффф дагы эле баягы эле корунуш дагы(качан онолосунар силер депутаттар.

Orozbek

2015-04-09 13:55:17

Элдин кусуру тийет. Эми ушундайында кетип калыш керек озунун сыйы менен! Кудай деген бар экен оору берип элдин алдына алып чыгып койду.

nurik11-29

2015-04-09 18:54:02

биздин шапкечендер мындайларды кармаштан коркот..эгер бир мал уурдаган адам болгондо...бул убака чйин кирчуу жерге киргизип койушат эле

al79mi

2015-04-10 09:00:19

Тапшырбайт эгер тапшырса эртен агасынын сотунда прокуратура кызматкерлерине таасир эте албай калбайбы?! Биздин депутаттар алда качан эле уят, намыс дегендерди унутуп калышкан.

zhykyo

2015-04-10 19:36:16

Тийишпегилечи

Комментарий калтыруу үчүн өз ысымыңыз менен кириңиз же каттоодон өтүңүз.

№ 648, 3-апрель-9-апрель, 2015-ж