ПАРТИЯЛАР ШАЙЛООДОН КИЙИН ТИЗМЕНИ ӨЗГӨРТПӨЙ ТУРГАН БОЛУШТУ

1-апрель күнү Жогорку Кеӊеш президенттик жана парламенттик шайлоо жөнүндөгү мыйзамга өзгөртүүлөрдү экинчи окууда жактырды. Аталган мыйзам долбооруна ылайык, шайлоого биометрикалык маалыматтарын тапшыргандар ID паспорту менен гана катыша алышат. Шайлоочулардын тизмеси электрондук жана кагаз түрүндө да түзүлөт.»Биз шайлоолордо жаӊы технологияларды кылдаттык менен колдоно башташыбыз керек. Заман талабы ушундай. Ал үчүн жарандар маалыматтарын өз маалында тапшырууга тийиш»,- дейт демилгечилердин бири депутат Абдыжапар Бекматов.
Мурда участкалык шайлоо комиссияларынын иш убактысы кечки саат 7ге чейин болуп келсе, эми саат 8ге чейин узартылды. Бюллетендер автоматтык түрдө саналган соӊ кайрадан кол менен саналып чыкмакчы. Буга катар мыйзам долбооруна ылайык, шайлоодон кийин партиянын тизмесин өзгөртүүгө мүмкүн эместиги белгиленди.
Мындай өзгөртүүлөргө добуш берүүгө катышкан 109 депутаттын 102си макул, жетөө каршы деп добуш беришти.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Wave.

2015-04-06 10:57:16

Демек, оздук маалыматты беруудон баш тарткандарды шайлоо укугунан ажыратабыз дегиле. Конституциялык укугубузду бузууга ким силерге жол берди? Эмне учун баш мыйзамды одоно бузуп жататсынар?
Жарандардын оздук маалыматын эптеп сактай албай ар кимге уурдатып (же сатып) жатсанар, ким силерге ишенип биометрикалык маалыматтарын тапшырат ???
Сабатсыздардын ушундай кызматта отургандарына аябай тан калам да.

Alfiya

2015-04-06 16:14:30

Атасынын горуууу баягы эле мадыра баштар кайтып келишет экен да. Шайлоо откоруп кереги жок, ошол шайлоого деген чыгашанарды бир добуштан чогултуп Кыргызстандын карызынан азыраагын болсо да кутулуп койгула.

ota.88

2015-04-06 21:26:41

Кыргызстанга шайлоонун деле кереги жок болуп калды. Мен козум менен коруп кубо болгом президенттик шайлоодо Атамбаевди шайлайсынар жогору жактан ошондой приказ келди деп начальниктен техничкага чейин Атамбаевге добуш берген мен башка Мадумаровду колдойм деп кызыматтан айрылгам эми болсо журом Оруссияда.

mir.osh

2015-04-08 10:54:53

Биз азыркы учурда алдыга карай өнүгүп жатканда бул технологиялар керек учурдун талабы туура Бирок карапайын эл шайлоого бир гана ID карт паспорту менен кана болбойт башка документтер мененда кирууго уруксат берилиши керек аста аста элди уйротуу керек деп ойлоймун шайлоо тынч отот

eliza5566

2015-04-13 14:18:28

Муну жакшы кылышыптыр

Комментарий калтыруу үчүн өз ысымыңыз менен кириңиз же каттоодон өтүңүз.

№ 648, 3-апрель-9-апрель, 2015-ж