МАМЫТОВ МЕНЕН ЛАВРОВА «БАЙКАЛБАЙ КЕЛИП, БАЙКАЛБАЙ КЕТИШТИ»

Кыргыз бийлигинин жогорку эшелонунда «отставкалар» түрмөгү уланууда. Дегенибиз, 10-апрель күнү "Кыргызалтын" ишканасынын жетекчиси Токон Мамытов кызматтан кетүүгө арыз жазды. Бул кадамга баруусуна "Кумтөр" долбоору боюнча премьер-министр менен бир пикирге келе албаганы себеп болгонун айтты. "Жоомарт Оторбаев "Центерранын" Директорлор кеңешине Кыргызстандын атынан чет өлкөнүн жарандарын сунуш кылып жатат. Буга мен каршы болдум",- деди Мамытов.
Эртеси эле, 11-апрелде 2012-жылдан тарта өлкөнүн Каржы министрлигин жетектеп келген Ольга Лаврова кызматынан кетүү тууралуу арызын жазды. Лаврова: «Отставкага кетүүмдүн артында эч нерсе жок. Мамлекет жетекчилиги менен кеңешилип, анан бул маселе чечилди. Менин ордума келе турган татыктуу адамдар бар деп ойлойм»,- деп билдирди. Коомчулукта бул отставкалар кадыресе көрүнүш катары кабыл алынды. Башкача айтканда, бул эки чиновник тең «байкалбай келип, байкалбай кеткендердин» катарын толуктагандай.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

eliza5566

2015-04-20 09:44:26

Байкаганда эмне чыкмак.

sergo

2015-04-20 11:10:30

Мамытов кыргыз алтынды жей берип желкесинен кийин эле баш болуп кетиптирго.

Комментарий калтыруу үчүн өз ысымыңыз менен кириңиз же каттоодон өтүңүз.

№ 650, 17-апрель-23-апрель, 2015-ж