АТАМБАЕВ 4 ЭМ ҮЧҮН ҮЙ КУРУП БЕРЕТ

9-апрелде Бишкекте төрөлгөн 4 эмге Алмазбек, Асылбек, Кубанычбек жана Камчыбек деген ысымдар ыйгарылды. Ал ысымдар президент Алмазбек Атамбаевдин, Жогорку Кеңештин спикери Асылбек Жээнбековдун, Бишкек шаарынын мэри Кубанычбек Кулматовдун, балдар жарыкка келген Эне жана баланы коргоо улуттук борборунун директору Камчыбек Узакбаевдин урматына арналып ыйгарылган. Төрөттү кабыл алган 17 медициналык кызматкерден куралган бригаданын башчысы Камчыбек Узакбаев: «Кыргызстанда эле эмес, дүйнөдө 1 урук клеткасынан жаралган бирдей жыныстагы, табигый жол менен 4 эмдин төрөлүшү чанда кезигет. Мындай жакшылыктын бизде катталышы кубантты»,- дейт.
Президент Алмазбек Атамбаев жаңы төрөлгөн 4 эмдин ата-энесине үй салып алуу үчүн
2 миллион сом бөлүп берди. Бул үй-бүлө учурда батирде турат. Президенттин басма сөз катчысы Жанар Акаевдин айтымында, каражат үй салууга жетпей калса, өлкө башчы кошумча каражат бөлүп берет. "4 эмдүү болгон ата-энелердин башка дагы 3 баласы болгондуктан өлкө башчы 2 бөлмөлүү үй берсе алар үчүн тар болмок. Ошондуктан жер үй салып алууга жардам берди",- деди Акаев. Буга катар эле бул үй-бүлөгө Бишкек мэриясы 100 миң сом, өкмөт башчы Жоомарт Оторбаев 300 миң сом бөлүп берди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (20)

kyrgyzka90

2015-04-20 12:03:20

Алмазбек Атамбаев мамлекетин эсебинен деп жазсанар чонтогунон болуп бермек беле.

-1

Nursultan.m.n

2015-04-22 20:05:23

kyrgyzka90, жаман болупсунгоо

suimon302010

2015-04-20 12:29:14

Омурлуу болушсун,ден соолуктары чын,Кыргызымдын сыймыктанган эр жигиттери болуп чонойушсун!!!!

Titi

2015-04-20 12:37:43

Ушунусуна да рахмат бербей жон эле куттуктап койсо не болот эле

Nursultan.m.n

2015-04-20 14:34:14

Азамат

chonalaikaramyk94

2015-04-20 17:27:14

Чондор ошонтип эле акчасын чачпаса кайда сарптамак эле.
Балдардын омурун берсин

agent0072609

2015-04-20 20:41:03

эми уйду салып берсе эле болду бизде чонтоко салмай бар эле кандай болоор экен

Elnuram090

2015-04-20 20:49:05

азаматсыздар чондорго ырахмат ушунчалык жардам бергенине призидентибизге ыраазы болдум силерге кудайдан кайтсын ылайым 4эм жигиттер омурлуу болушсун.

gylnaz

2015-04-20 21:21:09

Аман эсен болушсун.Омурлуу, акылдуу балдардан болсун.ата энесине да ден соолук.

Gundula

2015-04-20 22:13:18

Аман эсен чонойтуп алсын апасына куч кубат ден соолук берсин.Ал эми чурполорго жараткан омур эс алыл берсин.

Akmosha

2015-04-20 22:56:02

4 эркек эмдин торолгонун угуп аябай кубандым.Аларды тапкан ата энесине рахмат.Жашып да алдым негедир.Омурлуу,ден соолуктуу жигиттерден болушсун ылайым.

AygulSumaya

2015-04-21 12:44:23

Торт эркек торогон энеге мин ырахмат омурлору узун болуп кыргыздын керегине жараган жигиттерден болушсун акылдуу ыймандуу болушсун

aydarken

2015-04-21 14:24:42

Кандай бактылуу ата-эне
Эгиз торогон баарыбызга насип этсин Оомин.

almagul_aravan

2015-04-22 09:54:58

омуру менен берсин кудайым. Алардын абалы азыр кандай болду экен , эненин абалы кандай экен...

admin_media

2015-04-22 11:00:08

almagul_aravan, саламатсызбы! http://www.super.kg/media/stv/140287 бул жакта толук маалымат бар.

Kroxa

2015-04-23 10:36:00

Баарын эне бактылуу эне бар болушсун наристелердин омуру узууун болсун!!! Жанада президентке чон ыраазычылык!!жашасын кыргыз окмоту!!!!

danilka

2015-04-24 14:26:05

Уй салып берет деп аттын Алмазбек деп койду окшойт а?
Жакшы ой экен... : D

Комментарий калтыруу үчүн өз ысымыңыз менен кириңиз же каттоодон өтүңүз.

№ 650, 17-апрель-23-апрель, 2015-ж