«ДАРЫГЕРЛЕРДИН ШАЛААКЫЛЫГЫНАН СИӉДИМ КАЗА ТАПТЫ»
Кыргызстанда энелердин өлүмү курч маселелердин бири. Бул көйгөйгө эл аралык саламаттыкты сактоо мекемелери тынчсыздануусун билдирип келет. Cоциалдык маселелер боюнча вице-премьер-министр Дамира Ниязалиеванын айтымында, былтыр 85 аял төрөт учурунда каза тапкан. Бул 2013-жылга караганда 26 пайызга көп. 2013-жылы төрөт учурунда өлкө аймагында 61 аял көз жумган.
«СИӉДИМДИ КЕСАРЕВО ЖОЛУ МЕНЕН ТӨРӨТҮШ КЕРЕК ЭЛЕ...»
Үстүбүздөгү жылдын 10-апрель күнү Ала-Бука райондук төрөтканасында 39 жаштагы Айгүл Асылбекова каза тапкан. Анын өлүмүнө туугандары ак халатчандарды күнөөлөп жатышат. Маркумдун эжеси Шарипа Мамакова окуя тууралуу төмөнкүлөргө токтолду:
-Биз Жалал-Абад облусунун Ала-Бука районуна караштуу Кош-Алмурут айылынан болобуз. 12 бир туугандын улуусумун, Айгүл болсо сегизинчи кыз. Ал Алайга келин болуп, үй-бүлөсү менен Бишкекте жашап жаткан. Кош бойлуу кезинде борбор калаадагы менчик бейтапканалардын биринен текшерүүдөн өтүп, айы-күнү жакындаганда «апамдын жанына барып төрөйүн» деп айылга келгенине 1 айдай болгон. Айылдагы ФАПка каттоого туруп, көрүнүп жүрдү. Ден соолугу жакшынакай эле болчу. 10-апрелде ары-бери басып жатканынан «эмне болду?» деп сурасам, «суу кетип жатат» деди. Толгоосу башталды окшойт деп райондук төрөтканага алып барсак, бизди Эркинай деген дарыгер кабыл алды. Айгүлдү УЗИге тартуу үчүн алып кирип, палаталардын бирине жаткырып коюшуптур. Барсам Эркинай чыгып, «6 синэстрол (толгоо чакыруучу дары) ийнеси менен алып келиӊиз. Аны саат сайын сайып туруш керек. Курсагындагы баласы өлүп калыптыр, табигый жол менен төрөтөбүз» дегенинен айткандарын алып келип бердим. Биринчи ийнени саат 14:00дө сайды да, жардамчыларына «саат сайын сайып тургула» деп кетип калды. Дагы 2 жолу ийне сайышты. Улам барып сурайм, «төрөткөнү алып кеттик» деп башка эч нерсе айтышпай кирип-чыга беришкенинен төрөтүп жатышкан го деп ойлодум. Бир кезде хирургду чакырышты, анан кайра чыгып «Мейман деген гинеколог эже жумуштан кетип калды эле, ошону алып келе каласыздарбы, кесарево кылабыз» дегенинен аны күйөөм барып үйүнөн алып келди.
Ошентип бизди сыртка чыгарышып, эшиктердин бардыгын жаап алышты. Саат 19:00 чамасында Тумара деген дарыгер чыгып, «сиӊдиӊиздин абалы оор, жандандыруу бөлүмүнө алып кирдик» деп кайра кирип кетти. Дагы күттүк. Жандандыруу бөлүмү 3-кабатта эле, ал жакка чыксак эч ким жок. Бир маалда бирөөсү чыгып «сиздерди дарыгер чакырып жатат» деди. Барсак дарыгерлер чогулуп отурушуптур. «Бишкектен келе жатканда бала бир нерсеге урунуп өлүп калган, жол жүрбөш керек эле, вакуум менен сордурдук, жасалма дем алдырдык, кан көп кетип, болбой калды» дешкенде эле менин кан басымым көтөрүлүп отуруп калдым. Анан «кош бойлуу аялды соймоюнча бербейбиз, туугандарыӊарга угузуп, эртеӊ келип алып кеткиле» дешип сиӊдимдин денесин өлүкканага киргизип коюшту. Биз айылга барып 75 жаштагы апабызга суук кабарды араӊ угуздук. Айылдагы аксакалдар «өлгөн кызды союп бир эмес, эки өлтүрмөк беле, алып келгиле» дегенинен туугандар чогулуп барып алып келдик.
«МЫНДАЙ ОКУЯЛАР БУГА ЧЕЙИН ДА КӨП КАТТАЛГАН»
Ал эми маркумдун сиӊдиси Батма Асылбекова буларды айтат:
-Эжем саат 16:30да эле каза болгон экен. Төрөткананын дарыгерлери улуу эжебизге угузушкандын ордуна айылдагы ФАПка чалып, «силерден келген Айгүл Асылбекова каза болуп калды. Муну эмнеге каттоого алдыӊар эле? Силердин айыӊардан ызы-чуу болуп жатат. Айгүлдүн канча бир тууганы бар, кандай турушат, кийин доо кылышпайбы?» деп сурашканын ал жакта иштеген кызматкерлер кийин айтышты. Дарыгерлерди күнөөлөп жатканыбыздын себеби алар бизге ар нерсени айтып жатышат. Бирок айткандарын текшерсек, калп болуп чыгууда. Мисалы, биз барып эжемди эмнеге видеокөзөмөл орнотулган палатага жаткырбаганын сурасак, Тумара «ал палата бош эмес болчу» деди. Видеокөзөмөлдү текшертсек ал учурда бош экен. Эжемди жандандыруу бөлүмүнө жаткыргандары да жалган болуп чыкты. Биздин оюбузча, эжемдин курсагынан баласын кесарево жолу менен алыш керек эле. Алар төрөтөбүз деп синэстрол деген дарыны улам-улам сайышып, эжемдин жүрөгү көтөрө албай калган. Анын үстүнө ал дары төрөтканада колдонулууга тыюу салыныптыр. Булар ага карабай колдонушкан. Дагы айта кетчү нерсе, эжем каза болгондон 2 күндөн кийин ошол эле төрөтканада Ала-Бука районунун Өрүктү айылындагы бир келин да төрөт учурунда каза болуптур. Мындай окуялар буга чейин да көп катталыптыр.
«БИЗДИ СЕБЕПСИЗ КҮНӨӨЛӨП ЖАТЫШАТ»
Биз Ала-Бука райондук төрөтканасынын жетекчиси Тумара Базарбаева менен байланышып, анын да оюн уктук:
-Биздин төрөтканага келип түшкөндө Айгүлдүн курсагындагы бала өлүк экен. Энесинин өмүрүн сактап калуу үчүн 1 саатка чукул колубуздан келишинче аракет жасадык, тилекке каршы, өмүрүн сактай албадык. Келин каза болгондо «экспертизага текшертели» десек, эжелери кайра туугандары менен келип «сойдурбайбыз, дообуз жок» деп кол коюшуп, сөөктү алып кетишкен болчу. Эми минтип бизди күнөөлөп жатышат. Эксгумация кылган соӊ чындык билинет. Келин каканак суусунун кан тамырга өтүп кетишинен каза тапты. Курсактагы бала өлүп калса кесарево жолу менен төрөтүүгө тыюу салынган. Синэстрол деген дары балага зыян деп колдонууга тыюу салынган, бирок ичтеги бала өлүк болгондуктан биз ал дарыны колдонгонбуз. «2 күндөн кийин төрөттөн дагы башка келин каза болду» деген маалымат жалган.
Биз эки тараптын теӊ өз чындыгына кулак төшөдүк. Эми окуяны иликтеп, акыйкат чечим чыгаруу милдети ак халатчандардын анабашыларынын колунда.
Асхат Субанбеков
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (55)
Кыргызстандында врачтарынын айлык акысы башка мемлекеттердей 1500$ дан жогору болсо пациенттрениен акча албай иштешет еле айына 5000сом алышат ал неге жетмек еле?
Дарыгерлер шалаакы. Акчанын кулу болуп калышты. Бут акча менен бутушкон ЖОЖду. Адамдын омуру менен ойнобой, башка эле окууга окушса болмок. Саны бар сапаты жок.
аялым торогондо созсуз жанында болом чогу торотом коркуп калдым
ушундай окуяларды угуп күйөө тийгин келбейт кететда
Кудай сактасын,врачтарды куноолоштун кереги жок мумкун чындап эле аракет кылышкандыр
Menin ejemdin da balasy charchap kaldy,, ozun bir kudai saktady.
кудай сактасын ар бир аялды торот учурунда
Россияда чын эле жакшы карашат.бир тыйын акча толобой операция болуп жатып чыктым.орустарга ыраазы болдум аябай.Путинге айрыкча.орустар менен кошуп даже бизди да карап атат
Тообо кудайым озу сактасын ушундайдан. редкий случайларда амниотическая жидкость канга отуп кетет экен да ошондо эненин омуруно зыян келет. Бирок кудай сакта деш керек экен.
albina, чогу кирсен дагы эч нерсе кыла албайсын мен дагы ошентип киргем 4 врач торойт ушинтип эле деп урушуп операцияга бербей 3 саат торотуп бала чарчап калды ошондо дагы бешинчиси жакшыраак врач келип торотту баары бир бала ичегилери узулуп чарчап калды
nurdin-05, сабыр кылыныз.ар нерседен шектенбей озун болгонун жакшыда биз эч нерсе кылаалбайбыз Аллах кааласа алатда.
шалаакылыгынан менин энемда даарыгердин колунда жан берген. Врач медсестраларга тамырга укол сай десе тамырын таппадам деп ийнени чыгарып кайра-кайра сайа бергенинен каны суюлуп кетип ошол жеринен кан токтот алышпай энем каза болуп калган. Туура айтат кээ бирки даарыгерлер ушундай шалакы келишет
мен 1-баламды дал ушул Мейман эже тороткон кучтуу врач бирок аябай корс жаралуу жерге туз себет десем жарашат таптакыр карашпайт тазалык 0 эртен менен 20аялга 1чака маргансовка суу жетсе жетти жетишпегенин кала берет суйунчу корундук аларда кайдан жайдан торот учурунда катышпагандары да кас катар тизилип туруп алышат жакында келиним ушул торотканада тороду баласынын салмагы 4 500кг кесеровасы жок кадимки род менен торотушту бечара келиним 1-торошу кудай бир сактады аял кишилер тушунот
текшерилуу учурунда салмагы ашкан аялдарды атайын даярдоо деген жокко эсе.мамлекет тарабынан козомолго алса жакшы болмок
Менда аялымы Ала букада торотком аябай кыйнашты 10 саат жатты торой албай акыры туну врачты уйуно барып алп келип кесерва м' торогон
Алабука менен Чаткал районун аялдары Алабуканын врачтарына ыраазы, себеби Кудайдан тилеп аран жетип келебиз, Кудайга шугур аман эсен коз жарып журобуз, обл-ка жетиш алыс, чакыруу кыйын, суйунчуну катар туруп сурагандарга бербей эле коюш керек.адамдарга сабырдуулук, ыймандуулук, чынчылдык каалайм.
