Алмазбек Атамбаев: «КЫРГЫЗСТАНДА ЖАРЫК ӨЧҮРҮЛБӨШҮ КЕРЕК!»

28-апрель күнү президент Алмазбек Атамбаев, Жогорку Кеӊештин фракция лидерлери, өкмөт жетекчилиги катышкан Коргоо кеӊешинин кезектеги отуруму болду. Жыйында көйгөйү көп энергетика тармагынын абалы, аны мындан ары өнүктүрүү маселеси каралды.
Өлкө башчы «Өткөн кыш оӊой болгон жок, энергетикадагы талуу жерлерибиз дагы бир жолу оркоюп көрүндү» деп билдирди. Мындай жагдай Кыргызстанды коӊшуларга көз каранды кылып, сырттан кымбат электр энергиясын сатып алууга мажбур кылганын кошумчалаган Атамбаев энергетикалык тармактын азыркы башкаруу системи энергетикалык коопсуздукту камсыз кылууга жараксыз экендигин айтты.
Энергетика министри Кубанычбек Турдубаев тармактын абалын жакшыртуу үчүн башкаруунун бир нече жолун сунуштады. Алардын ичинде бирдиктүү энергетикалык холдинг түзүү маселеси да бар. Жыйында мамлекеттин энергетикалык потенциалын күчөтүүгө багытталган инфраструктуралык долбоорлорго өзгөчө көӊүл бөлүп, аларды ишке ашырууну тездетүү милдети коюлду. Өлкө башчы «мындан ары Кыргыз Республикасында эч кандай жарык өчүрүлбөшү керек» деди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

EmmaSwon86

2015-05-04 16:24:19

Келерки кышта коро жатарбыз кудай буйруса, анда да бир шылтоо таап очурушот.

naaazka

2015-05-05 08:56:54

bakievdi uwu svettin baasy kymbattatyp jiberdi dep ketiriwtile kana ozgoru andan eki eselep tolop oturabyz. konwularga suunu satpasa keniri ele jetmek.

Kara-kulzha

2015-05-06 15:18:38

Оозу менен орок орот деген ушуда.

Pantherka

2015-05-07 10:36:13

Кимисине ишенесин кыш буткондо светти сатып деле албаптыр деп чыгышты, суу деле анча азайбаптыр деп. Кыш бутту сатып алуу токтоду анан эмнеге да деле кымбат 1,82 тыйын бойдон?

joker8787

2015-05-07 14:08:06

Жайы менен сууну сатышса озбекстанга анан кышында светибиз очуп коншу олколордон з эсе кымбат сатып алабызда кыскасы кыйратып иштеп атасынар

gitaris93

2015-05-09 11:28:04

Кыйраттынар

Комментарий калтыруу үчүн өз ысымыңыз менен кириңиз же каттоодон өтүңүз.

№ 652, 1-май-7-май, 2015-ж