ЧЕК АРАДА КЫРГЫЗСТАНДЫК ЖАРАН КАЗА ТАПТЫ

12-майда кыргыз-өзбек чек арасында өзбек чек арачылары бир кыргыз жаранын өлтүрүп, экинчисин Өзбекстан тарапка алып кетишкени кабарланды. Окуя Баткен районундагы кыргыз-өзбек чек арасына жакын жайгашкан Согмент айылынын жанындагы Какырдын тегерегинде катталган.
Маалыматка ылайык, үч кыргыз жараны Өзбекстандын карамагындагы Сох району аркылуу кыргыз мамлекетине мөмө-жемиш алып өтүп жатканда өзбек чек арачылары аларга ок чыгарышкан. Окуя болгон күндүн эртеси өзбек чек арачыларынын огунан каза тапкан 1993-жылкы Мансур Махмуджан уулунун сөөгү жана кармалган 1991-жылкы Шумкар Махмуджан уулу кыргыз тарапка өткөрүлүп берилди.
Вице-премьер Абдырахман Маматалиевдин айтымында, өлтүрүлгөн кыргыз жараны өзбек-кыргыз чек арасынан мыйзамсыз өткөн. «Мыйзамдуу түрдө өткөрүү пункттары аркылуу чек арадан өтүүнүн ордуна алар уруксат берилбеген жолдон өтүүгө аракет кылышкан. Өзбекстандын чек арачылары Кыргызстандын жарандарын токтотууга аракет кылганда алар угушкан эмес, ошол үчүн өзбек тарап ок чыгарган. Азыркы тапта эки мамлекеттин чек ара кызматкерлери тарабынан бул окуяга байланыштуу тиешелүү иликтөө иштери жүрүп жатат»,- деди Маматалиев.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

sergo

2015-05-19 01:08:00

Кайра биз куноолубуз биздин чондоп коркок озбектер бузуп эле журот эч ким атпай нетбей эле журотго. Мынча креслону суйосунор

jazgul80

2015-05-19 23:03:12

Кыргыздар олуп атса озбектин созун суйлойт да тооба. эмне бул ошол олгон адамдын жанында бекн эле. жаныны эле кашайтышат да булар.

admin_superstan

2015-05-25 11:15:15

kursantvs, улуттар арасында түшүнбөстүк жаратуучу билдирүүлөрдү жазуудан алыс болуңуз!

Комментарий калтыруу үчүн өз ысымыңыз менен кириңиз же каттоодон өтүңүз.

№ 654, 15-май-21-май, 2015-ж