«АК ШООЛА» НАМЫСКА ЖАРАДЫ

«Ак шоола» балдар хору Түркиянын Анталия шаарында өткөн «Алтын үн» аталышындагы эл аралык ыр-бий сынагына катышып, намыска жарап баш байгени өӊөрүп кайтышты. Анда 5 жаштан 16 жашка чейинки курактагы 40 бала өз өнөрлөрүн көрсөтүшкөн. Жыйынтыгында 5 жаштан 7 жашка чейинки жана 7-10 жаш курактагы кыргызстандык өнөрпоздор 1-орундарды камсыздашты. Ал эми 10 жаштан жогору жаш таланттар болсо «Мен кыргыздын уулумун» деген аталыштагы чыгарманы аткарып, баш байгени багынтышкан.
Аталган хордун жетекчиси, Кыргыз Республикасынын маданиятына эмгек сиӊирген ишмер Гүлмира Эсенгулова: «Бул сынак коммерциялык сынактардын катарында болгондуктан, жол кирени жана тамак-ашты балдардын ата-энелери төлөштү. Бирок «Ак шоола» балдар хоруна баш байге буюргандыктан эми Түркияда өтө турган кийинки сынактарга жана фестивалдарга бекер катышат. Ошондой эле биздин балдар түрк дүйнөсүнүн 3-эл аралык фестивалына чакыруу алышты»,- деп билдирди.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

uli1988

2015-05-18 12:16:19

азаматтар

uulay

2015-05-18 12:16:49

Азаматтар бобоктайлар!!!

SherhaN

2015-05-19 15:47:52

козулар азаматсынар

bema_bema

2015-05-20 09:19:21

Ыйлагым келип кеттии,суйунгондон

suiuktuujar

2015-05-21 16:23:40

Азаматсынар ширинтайлар кен келечек силерге.

Kg.lady

2015-05-22 14:00:34

Ошол жакта баш байгени багынткан ырлардын шилтемесин калтырып койгулачы отунуч!

medbek92

2015-05-25 00:04:50

Азаматсынар,балакайлар

Комментарий калтыруу үчүн өз ысымыңыз менен кириңиз же каттоодон өтүңүз.

№ 654, 15-май-21-май, 2015-ж