АТАМБАЕВ ТҮШТҮК ЖЕРГЕСИН ТҮРӨ КЫДЫРДЫ

Бул аптанын башталышы менен президент Алмазбек Атамбаев Ош жана Жалал-Абад облустарынын тургундары менен жолугушту. Мамлекет башчы сапарын жер көчкүдөн жабыркаган Кыр-Жол айылынан баштап, каза болгон адамдардын жакындарына көӊүл айтып, үйлөрү көчкүдө калган жарандарга мамлекет тарабынан үй куруп берүүнү убада кылды.
Буга катар Алмазбек Атамбаев Сузак районунун Көк-Жаӊгак шаарчасындагы 52870-аскердик бөлүмдүн ачылыш аземине катышып: «Мурда аскерлер өтүгү жок отурушса, эми мамлекет армияга башкача мамиле жасайт»,- деп билдирди. Президент Жалал-Абад шаарындагы №6-мектептин абалы менен таанышып, жергиликтүү бийликке анын ордуна жаӊы мектептин имаратын куруу боюнча тапшырма берди. 27-май күнү өлкө башчы Ош облусуна болгон иш сапарынын алкагында бир катар мектептердин абалы менен таанышып чыкты. Маселен, Кара-Суу районунун Жар-Ооз айылында жайгашкан Д.Султанов атындагы мектеп-интернаттын абалын көрүп, мамлекет башчы окуу жайдын оӊдоо иштерине 2 миллион сом бөлүп берди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

mister.ailasyz

2015-06-01 14:47:03

Шайлоого даярдык! Өзгөндөгү Суу сактагычтын чет жакасын сатып коюп жүрүшөт да.

baha1985

2015-06-01 21:55:29

ийри суу айыл окмотундо усту тушуп калган мектепке неге барбады

Odik11

2015-06-01 23:34:44

52870 аскердик болукту К.С.Бакиев салдырып баштаган эле.....Даяр буткон обьектерге барганды жакшы корот АША негедир

-1

Artyr1994

2015-06-02 02:17:12

Оа келди Оштогу драмга жалан мамлекетик кызматтагы адамдар м.н эжеке студентерди терип АШАны жамандаган суроолорду бердирбей койду. Кыйын экен эл м.н жолуксун. Мурунку келгенин да билебиз...

GORDIY.KG

2015-06-05 15:15:18

Аша элдин байлыгын ашап жаткандан башка пайда алып келеди

Sagidko88

2015-06-06 13:39:07

Кайын иним службада. Тамтыгы чыккан отук кийип журот, формасын да сатып алып бердик, тишинин пломбасы тушкон экен, тишине акча салдык, балдарды зыкылдатып армияга алып кеткенден кийин отулун алыш керек да мамлекет, чондор акча жеп эле жатышат экен да. Солдаттар жыртык отук, сынык тиш, бопбоз форма мн Мекен коргоп журушот

Комментарий калтыруу үчүн өз ысымыңыз менен кириңиз же каттоодон өтүңүз.

№ 656, 29-май-4-июнь, 2015-ж