ПАСПОРТТОРДУН ЧУУСУ УЛАНУУДА

Жогорку Кеӊештин 3-июнундагы жыйынында Мамлекеттик каттоо кызматынын паспортторду жана айдоочулук күбөлүктөрдү мыйзамсыз берген фактылары жөнүндө маалымат угулду. Жыйында жарандарга паспорт берүүдө бир катар мыйзам бузуулар аныкталганын Ички иштер министрлиги айтып чыкты. Министрликтин маалыматына ылайык, мыйзамсыз берилген 271 паспорт боюнча тергөө иштери жүрүп, 11 адам камакка алынган. Алардын арасында 1 эле жарандын 4-5 жолу паспорт, 2-3 ирет жеке идентификациялык номер алган окуялары кездешет. Тергөөдө алар 200 доллардан 1500 долларга чейин пара беришкени, мындай жагдай кылмышкерлерди издеп табууну кыйла татаалдаштыра турганы белгиленди.
Ал эми Мамкаттоо кызматынын төрайымы Алина Шаикова «2014-жылдын октябрында жеке идентификациялык номерлерин өзгөрткөн жарандар боюнча материалдарды Коргоо кеӊешине жана Коррупцияга каршы күрөшүү боюнча кызматына өткөрүп бергенбиз. Алардын саны ID-card боюнча 6 миӊден ашуун, ал эми чет жердик паспорттор боюнча 3 миӊден ашуунду түзөт. Жеке маалыматын өзгөрткөн жарандардын саны болсо 2014-жылга карата 42 миӊ кишиден турат. Алардын арасында жеке идентификациялык номерлерин алмаштыргандар да болушу мүмкүн»,- деп, депутаттарга Кыргыз Республикасында ар бир жаран персоналдык маалыматтарын өзгөртүүгө укуктуу экенин эскертти.
Вице-премьер Тайырбек Сарпашев мыйзамга ылайык, жеке идентификациялык номерин өзгөрткөн жаран жоопкерчиликке тартыла турганын айтты. «Адам төрөлгөндө ага жеке ПИН-код берилет. Ал бул номер менен өмүр бою жашашы керек. Аны өзгөртүү мыйзамсыз»,- деди Сарпашев. Жыйынтыгында Мамлекеттик каттоо кызматына, Ички иштер министрлигине, Социалдык фондго жарандарга паспортторду жана айдоочулук күбөлүктөрдү берүү ишин жакшыртуу тапшырмасы берилди. Андан канчалык жыйынтык чыгары белгисиз, бирок көпчүлүк жарандардын жеке маалыматтарын өзгөртүү мигранттардын «кара тизмени» айланып өтүү аракети экенин жашырып болбойт.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (16)

Beka90

2015-06-08 10:15:49

Дагы деле олчойгон карупция.

maestro123

2015-06-08 11:31:23

Охоой коррупциянын баары ушул тармакта да.

limuna

2015-06-08 11:50:14

Suma9

2015-06-08 20:21:58

балый башынан сасыйт

origami

2015-06-08 22:53:29

Паспортторду эми андан да кымбатка алмаштыра башташат экен да,бизди да кысып атат жогорку жактан демиш болушуп.....

_KipchaK_

2015-06-09 10:01:45

Паспорт же права алганы барсан кадимкидей эле базарда соода кылгандай суйлошуп жаткандарын коросун киши. 3000 мин сом менен бутот ука десе, ака кичине акчадан кыйналып жатат элем 2500 мин берейин деп.

Nadir27

2015-06-09 14:03:32

Бир досум озбекстандын кыргызстанга турмушка чыкты паспорт ала албай атат алса болобу озу билгендер барбы?

maestro123

2015-06-12 23:16:16

Nadir27, алсаңар болот. Алгач миграция башкармалыгынан кайрылман күбөлүгүн алып аны каттоодон өткөргүлө жакын жердеги паспорт столго. Андан соң 3 ай аралыгында жараандык алуу үчүн документ даярдап арыз таштап койсоңор 9 ай, 1 жылда жараандык берилгендиги жөнүндө указ келет. Анан 1 айга жетпей ID кард келет болду.

hanisa

2015-06-09 23:53:37

5 jyl Kyrgyzstada jashasa vid pasport alalat

zhusaliev89

2015-06-10 07:42:53

Кыргыздар алсаго болоберет тажик мн озбектер алып

-1

Kg_Mika

2015-06-10 16:27:12

Aidoochuluk kuboluktu kyrgyzga satsa satsyn,Kytailarga satyp jatkandy toktotup,oshonun ustunon iwteshse en birinchiden.

mamaidingory

2015-06-11 05:11:16

паспорту кайра башка Берген да ошолор оздору да,Элди кыйнап эле атышат буларда бир кун айдалатго.озбек тажиктар россияда журушот кыргызстандын паспорту менен сатып алгам деп койушуп аябай коп.магизинди тоногонда ошолор кыздарды зордогон да ошолор анан эле новости ден коросун кыргыз деп Караман тажик же озбек ошолорду карабайбы.кыргызды кыйнабай

Azamat.abdrahmanov

2015-06-12 03:55:33

Чындык ачуу болот супер инфо ошонун ар бир адамдын ой максатын жогоруда олтурган чондорго жеткиргиле

admin_superstan

2015-06-12 17:47:48

feruza86, баш тамгалар грамматикалык эрежелерге ылайык колдонулушу керек. Билдирүүңүз өчүрүлдү!

Aimonchok

2015-06-14 11:15:48

pasporttu ba pravani ba eptegen abambar tez ele alat ba

Diana2013

2015-07-23 10:34:39

Идентификациялык номер кайсынынсы болуп калат ошондо паспортун кай жеринде ал

Комментарий калтыруу үчүн өз ысымыңыз менен кириңиз же каттоодон өтүңүз.

№ 657, 5-июнь-11-июнь, 2015-ж