САРИЕВ ТАЖИКСТАНДАН ЭЛЕКТР ЭНЕРГИЯ САТЫП АЛУУНУ МАКУЛДАШТЫ

Өкмөт башчы Темир Сариев иш сапары менен Тажикстанда болду. Иш сапардын алкагында ал Душанбе шаарында «Жашоо үчүн суу» аталышындагы эл аралык долбоордун алкагындагы конференцияга катышты. Анда кыргыз өкмөт башчысы: «Сууну топтоо, сактоо, башкаруу жана жеткирүү үчүн тиешелүү негизде акы төлөнүшү зарыл. Бул маселе өлкөлөрдүн ички суу саясатын жана суу ресурстарын бөлүшкөн бир нече мамлекеттин мамилелеринде курч турат»,- деп билдирди. Буга катар Темир Сариев тажик мамлекетинин президенти Эмомали Рахмон менен жолугушуп, бир катар маселелерди талкуулады. Анда кыргыз-тажик мамлекеттик чек арасын делимитациялоо жана демаркациялоо иштерин тездетүү керектиги айтылды.
Жолугушуулардын жүрүшүндө кыргыз тарап июнь-сентябрь айларынын аралыгында Тажикстандан 500 миллион киловатт-саат электр энергиясын 2,5 центтен (1 сом 50 тыйындын тегерегинде) сатып алууну макулдашышты. Былтыр июнь-сентябрь аралыгында Кыргызстан коӊшу мамлекеттен 1 киловатт-саат электр энергиясын 2 центтен сатып алып турган, бирок тажик тарап бааны быйыл 3,5 центке көтөрүү маселесин койгон эле. Эске салсак, Кыргызстан Казакстандан кыш мезгилинде электр энергиясынын 1 киловатт-саатын 8 центтен сатып алган.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

kadamjai90

2015-06-15 14:44:33

Озубуздогу электир кайда кетип жатат.

Erniet

2015-06-15 16:23:11

Чын эле эмнеге озубуздун электр озубузго жетпейт? Бизден кедей Тажикстан бизге электр сатабы? Эмне же Орто Азиянын эн кедей мамлекети Кыргызстанбы? Ушул менин бийликке суроом?

aslan_akjol89

2015-06-15 21:05:15

Таджикстанга электр энергиясын сатуу жонундо макулдашып келди деген качан болор экен ыя туугандар айткылачы ??!!

chon-alai90

2015-06-16 15:18:33

уялбайсынарбы электр энергиясын озунордон ондуро албайсынарбы.

anobis85

2015-06-17 22:50:33

кокууй

Nazar.arapbaev

2015-06-18 09:39:53

озубуздукун 50 тыйындан сатып, алардан кымбатыраак алып турушат...

danik0101

2015-06-20 12:01:57

Башка мамлекеттен жарык сатып алсак, когултур от сатып алсак, ун, кум шекер деги койчу желим ботолкого чейин сатып алабыз бизде ушунчалык эле акча копбу дейм да......

kamchatka

2015-06-20 13:11:23

Бакиевтин убагында свет кымбатап кети мен свети бекер бере коем деп лапша илгендердин катарында ушул Сариевда бар элего эми эмне болду берген убадалар!

maalym

2015-06-22 14:21:38

kamchatka,:-)))))))))))

Комментарий калтыруу үчүн өз ысымыңыз менен кириңиз же каттоодон өтүңүз.

№ 658, 12-июнь-18-июнь, 2015-ж