КАТУУ ШАМАЛДЫН АЙЫНАН 2 АДАМ КАЗА ТАПТЫ

8-июнда болуп өткөн катуу шамал борбор калааны алай-дүлөй кылып, чаӊын асманга сапырып кетти. Ылдамдыгы секундасына 25-27 метрге жеткен шамалдын кесепетинен бир катар турак үйлөрдүн чатырлары учуп, дарактар кулап унааларды басып калса, «Ала-Тоо» аянтындагы желектин тамтыгы чыгып айрылды. Маалыматтарга караганда, Бишкек шаарында 80ге чукул бак кулаган. 10 бак үйлөрдүн үстүнө түшүп, 12 автоунаа бак астында калган.
Бишкек шаарынын Горький көчөсүндөгү жарнамалык такта кулап түшүп, мунун айынан эки автоунаага зыян келтирилгендиктен, жарнактын ээлери кеткен чыгымды төлөп бермей болушту. Ал эми дарак басып калган унаалардын ээлерине жардам каралбагандыгы маалым болду. Өзгөчө кырдаалдар министрлиги шамалдын кесепетинен келип чыккан Бишкек шаарындагы, Чүй облусундагы жана башка аймактардагы чыгымдарды атайын комиссия эсептеп жатканын билдирди. Маалыматка ылайык, эсептелип бүткөн соӊ турак жайларына залалы тийген жарандарга жана социалдык мекемелерге курулуш каражаттары бөлүнөт. Эӊ кейиштүүсү, катуу шамалдын айынан 2 адам каза болду. Ысык-Ата районунун 74 жаштагы тургунун үйүнүн жанындагы дарак басып калгандыктан, ошол жерде көз жумган. Ал эми Аламүдүн районунда 13 жаштагы өспүрүм кызды дарак басып калып, ал ооруканада эсине келбей каза тапты.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Bonia9189

2015-06-15 10:13:46

Эххх не деген жашоо акыр заман босогобузда туратго,каза болгондордун арты кайрылуу болсун жайы жаннаттан болсун жаш кызга боорум ооруду ажал экенда.

ailam14

2015-06-15 10:56:35

Жайлары жаннаттан болсун,абдан окунучтуу

aruuzat88

2015-06-15 13:13:12

Аллахтын эскертүүсү, кайдагы ата— бабаларыбызда жок гейлер чыгып жатса Кыргызстаныбыздан,Аллахтын каары деп билсек болот.

jaskaaa

2015-06-16 23:59:39

aruuzat88,Туура Адамдар аябай бузулду. Кудайым ыйман берсин баарына!

Erniet

2015-06-15 16:42:45

Шамалды да акыр заман дей бергиле Силердей адамдар чымындан пил чыгарып дурботуп салат

kursantvs

2015-06-17 09:20:06

Erniet, эчким акыр заман дебеди, акыр замандын белгиси деп жатышат

beka-11-14

2015-06-15 20:12:43

Жаткан жерлери жайлуу болсун.

karasuu

2015-06-16 04:43:58

биз Россиянын Камчатка шаарындабыз, бул жакта кышындасы 3метрден ашуун каар жайт шамал пурга абдан каттуу болот. Кыргызстанды ошондой кчштан Кудай сактасын!

karasuu

2015-06-16 04:45:02

кыштан дегеним )

jaskaaa

2015-06-16 23:57:35

Арты кайырлуу болсун.

jon.as

2015-06-17 09:50:53

Камчаткада менда жашайм, бул жактын пургасына конуп деле калдык. Ал эми кыргызстандын курулуштары каттуу жамалга туруштук бергидей салынган эмес.

ylia

2015-06-21 01:21:49

бул бизге кудайдын бир эскертме бергендей каары тушту окшойт!эсибизге келели момун мусульман бир туугандар!

Комментарий калтыруу үчүн өз ысымыңыз менен кириңиз же каттоодон өтүңүз.

№ 658, 12-июнь-18-июнь, 2015-ж