АК БАТА МЕНЕН БИЙИКТИККЕ КАРАЙ!

Cтатуэтканы аны жасаган автор, КРнын Мамлекеттик сыйлыгынын лауреаты,
сүрөтчү-скульптор Аскар Турумбеков мырза чечмелейт.

Күн бул – бир жагынан жылуулукту, тазалыкты, жарыкты, демек, жашоону билдирсе, экинчи жагынан бийиктикте тургандыктан, бийиктикке умтулууну чагылдырат. Ошол эле кезде күндүн элеси менен мамлекеттик туубуз берилген. Күндүн тегерек формасы жабык бойдон калбай, үстүңкү бөлүгү жайылган канаттар менен ачык калтырылган. Бул мезгил менен канатташ жүрүүгө үндөйт. Демек, «Супер-Инфонун» «Мезгилден артта калбаңыз!» деген девизине туура келет. Ошол эле кезде канаттар бата сураган эки колдун маанисин берет. Демек, элдин батасы менен түбөлүккө жана бийиктикке деген маанини түшүнсөк болот.
Байкасаңыз, канаттар чабылган алаканга да окшоп кетет. Бул чыгармачыл адамдардын талантын баалоо дегендик.
Статуэтка таза колодон жасалып, сыртына алтын түс жалатылган. Коло менен алтын – түбөлүктүүлүктүн символу катары каралат. Ал эми алтын түс жаркын маанай, жакшы жашоонун өбөлгөсү экендиги баарыга маалым.

Канымжан Усупбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

JNZ

2009-12-28 23:16:34

азаматики!!!!!!!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 373, 25-31-декабрь, 2009-ж.