10 ЖАШТАГЫ МАНАСЧЫ ҮМӨТ ДӨӨЛӨТОВГО «МАДАНИЯТТЫН МЫКТЫ КЫЗМАТКЕРИ» ТӨШ БЕЛГИСИ ТАПШЫРЫЛДЫ

3 жашынан баштап манас айтып келе жаткан Үмөт Дөөлөтов 10 жашында «Маданияттын мыкты кызматкери» төш белгиси менен сыйланды. Былтыр Үмөт 220 мамлекеттин катышуусунда Бакуда өткөн Бүткүл дүйнөлүк жаш таланттардын өнөрүн өркүндөтүү боюнча өткөн конференциянын алкагында жарыяланган сынакта манас айтып 1-орунду алып кайткан.
Ошондой эле Москвада президенттердин катышуусунда өткөн иш-чарага кыргыздын маданиятын көрсөтүү максатында өлкөбүздүн президенти Алмазбек Атамбаев менен барып, иш-чараны манас айтып ачып берген. Буга чейин Кыргызстанда 10 жаштагы бала мындай сыйлык алган эмес. Бул тууралуу маданият, маалымат жана туризм министри Алтынбек Максүтов мындай деп билдирди:
– Өзүӊүздөр билгендей чыгаан, уникалдуу манасчы Үмөт Дөөлөтов кыргыздын маданиятына чоӊ салымын кошуп келет. "Манас" үчилтигин ЮНЕСКОго киргизүүдө Манас кыргыз элиники экенин, кыргыздарда жаш баладан тартып карыяларга чейин манас айтарынын бир далили болуп келе жатат. Мына ушундай эмгектерин баалап, бул жеткинчекке «Маданияттын мыкты кызматкери» төш белгисин берүүнү туура таптык.
Ал эми Үмөттүн атасы Болот: «Апасы экөөбүз баламдын ийгиликтерине кубанып жатабыз. Манас айта баштагандан бери эле көптөгөн сыйлык, дипломдорго ээ болуп келе жатат. Роза Отунбаева президент болуп турганда ал кишинин да назарына түшкөн. Экс-президент бизди колдоп, Бишкекке чакыртып "1 бөлмө болсо да батир бергиле" деп тапшырма берген эле. Бирок үй эмес, Ысык-Көлдөн жер бөлүп беришти»,- деп билдирди.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (19)

Aksy-13

2015-06-15 12:33:29

бул баланын Манас айтканын коруп аябай тан калгам отто кыййын айтат экен кайта кайта коруп ар кимге да коюп берчуумун сыймыктанып, баракелде азамат демекчимин!

nusichka

2015-06-15 14:03:00

азамат, бул чон жетишкедик

mirledi83

2015-06-16 14:13:40

Азаматсын Умот!Саякбай атабыздан кийинки тарыхта калчу чон манасчылырдан болушуна тилектешмин.

Pantherka

2015-06-16 14:29:00

Ушул бала жонундо маалымат берсенер го супер? Интервью алып, кантип айтып калды болду экен кыйын айтат эмне кереги бар.

admin_superstan

2015-06-16 15:25:20

Pantherka, саламатсызбы!
Кийинки санда аракет кылабыз.

bekau

2015-06-16 15:25:36

мен бул баланы коргондо Саякбай Каралаевди эле кичирейтип койгондой элестетип коргом, жакшы талантын ташкындай берсин!

suiuktuujar

2015-06-16 16:41:56

Дагы коптогон ийгилик жылмайсын.

Afina

2015-06-16 21:29:37

Жараткан сени жаман коз, суук создон сактасын! Гулдоп осо беришине чын дилибизден тилектешпиз.

Ajar.

2015-06-17 18:51:33

"3 жашынан баштап манас айтып келе жаткан..."
манас деген сөз ушундай жазылабы? Эмнеге ал кичине тамга менен жазылган?

tynara81

2015-06-18 18:45:47

Ajar.,оюңар туура, Манас- адамдын энчилүү аты, "Манас" - чыгарманын аты. Бирок, ошол учурда эле бул сөз өнөр катары да айтылып калган. Ыр- ырчы, бий- бийчи, манас айтуу- манасчы дегендей. Бул жерде ошол өнөр катары айтылып атат.

aiza.kyrgyzkyz

2015-06-18 06:24:01

Иииий кучугу десе онорун оркундой берсин аракетин жакшы козум. Манас Атанын арбагы колдосун сени Амиин

REAL_MADRID_KR

2015-06-18 23:59:30

азамат кырыздын кыраан жигиттеринен болгун

Dromer

2015-06-19 19:33:22

Видеосунанда киргизип койбопсунарда.

aiperishka87

2015-06-21 17:28:08

Умот аябай соонун айтат экен коруп тан калдым.азаматсын кыргыздын атын чыгара турган бала экен

Ajar.

2015-06-23 22:54:41

Мисалы: курманбек айтып, кожожаш айтып, жаныш-байыш айтып, карагул ботом айтып, эр төштүк айтып, семетей айтып, сейтек айтып, эр табылды айтып ж.б. деп.
Кандай экен? Ушинтип жазуу жөнүндө кайсы эрежеде жазылыптыр?

Ajar.

2015-06-23 23:28:00

А эгер "Манастын окуяларын айтып", "Манастын баянын айтып" десе, башка кеп, каарман же жашап өткөн инсан тууралуу сөз болуп жатканы түшүнүктүү.

admin_media

2015-06-24 14:43:23

Ajar.,
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо info@super.kg же admin@super.kg электрондук даректерине жазып жөнөтсөңүз болот.

Комментарий калтыруу үчүн өз ысымыңыз менен кириңиз же каттоодон өтүңүз.

№ 658, 12-июнь-18-июнь, 2015-ж