ЮРУСЛАН ТОЙЧУБЕКОВДУ ИИМ ИЗДЕП ЖАТАТ

Ички иштер министрлиги «Элдик лотереянын»айрым мыйзамсыз иштери калкып чыкканын билдирди. Экс-чиновник Юруслан Тойчубеков мыйзамды аттап өтүүдө «Элдик лотереяга»жардам көрсөткөн деп шектелүүдө. Тагыраак айтканда, ал Каржы рыногун жөнгө салуу жана көзөмөлдөө мамлекеттик кызматын жетектеп турганда «Райдер Ассошиэйтс Лимитед»(«Элдик лотерея»соода маркасы) компаниясынын директору, Түркиянын жараны Хасан Чифтчи ушул эле өлкөнүн жараны Танжу Кылычка компаниянын Кыргызстандагы филиалын ачууга макулдугун берген.
2013-жылы аталган компаниянын Кыргыз Республикасындагы филиалы өлкөнүн Юстиция министрлигинен каттоодон өтүп, Каржы рыногун жөнгө салуу жана көзөмөлдөө мамлекеттик кызматынан лицензияга ээ болгон. Аталган лицензияны кызматтын мурдагы жетекчиси мыйзамсыз берген деп шектелүүдө. Ошондой эле Тойчубеков өз буйругу менен компанияны пайдадан түшүүчү 10 пайыздык төлөмдөн бошотуп койгон. Мыйзам боюнча, бул 10 пайыз мамлекеттин казынасына төлөнүшү керек. Ушул пайдадан түшчү салыктын өзү эле 31 миллион сомдон ашкан. Ал эми Юруслан Тойчубеков дайынсыз болуп жаткандыктан, ага издөө жарыяланды. Ага карата кызматтык абалынан кыянаттык менен пайдалануу жана коррупция беренеси боюнча кылмыш иштери козголду.
ИИМдин Тергөө башкы башкармалыгынын жетекчисинин орун басары Нурлан Утемисовдун билдиргенине караганда, «Элдик лотерея»өз ишин токтотту.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

aiba9202

2015-07-06 12:49:56

31 эмес 1 миллионун эле берсе кармагандар да козун жумуп алат

EdikoKG

2015-07-06 16:05:28

Жанагы эле мышык чычкан оюну да.

Aimax14

2015-07-06 16:49:33

Кылмыш кылгандардын баарына эле издоо жарыяланды деп чыгышат,эч бир камалды,сизодо дегендерин укпайбыз.Же биринчи эле буларга эскертуу берип коюшабы,жакында камаласын башка мамлекетке барып жаша,качып кет деп.

bemaKG90

2015-07-07 20:34:46

Jana bir janylyktan okugam biro aityptyr bul okmot salgan uido ele jashait dep.vy chte shutite men munu jakshy bilem ХХХ ХХХ. ozunun bizdin uidun janynda biz zavodu bar bolchu kytailar menen ishteshken. ХХХ ХХХ ХХХ

admin_media

2015-07-08 17:46:42

bemaKG90,
Эскертүү! Кимдир бирөөнү кемсинтип, такталбаган маалымат жазып анын кадыр-баркына шек келтирүүгө тыюу салынат!

Комментарий калтыруу үчүн өз ысымыңыз менен кириңиз же каттоодон өтүңүз.

№ 661, 3-июль-9-июль, 2015-ж