АБАКТАН ЖАҢЫ БОШОТУЛГАН ЖИГИТ 83 ЖАШТАГЫ КАРЫЯНЫ МЫКААЧЫЛЫК МЕНЕН ӨЛТҮРДҮ

Жакында 83 жаштагы карыяны мыкаачылык менен өлтүргөн деп шектелип 19 жаштагы жигит кармалды. Бул тууралуу Жалал-Абад ОИИБинин басма сөз кызматы билдирди.

АКЧА АЛМАШТЫРАМ ДЕП АЖАЛ ТАПТЫ
Ала-Бука районунун Падек айылынын тургуну 83 жаштагы Мутал Абдуразаков үстүбүздөгү жылдын 29-июнь күнү чыгып кеткен боюнча үйүнө кайтып келген эмес. Карыган атадан кам санаган жакындары арыз менен Ала-Бука РИИБине кайрылышкан. Аталган райондун милиция кызматкерлери тарабынан издөө иштери жүргүзүлүп башталган. 3-июль күнү дайынсыз делген Мутал Абдуразаковдун мыкаачылык менен өлтүрүлгөн денеси Ак-Коргон айыл аймагындагы эгин талаасынан табылган. Бул факт боюнча «киши өлтүрүү» беренеси менен кылмыш иши козголуп, абышканы өлтүргөнгө шектүүлөрдү издөө иштери башталган. Ошол эле күнү Жалал-Абад ОИИБинин кызматкерлери тарабынан ушул эле шаардын Спутник кичи районунан Ала-Бука районунун Баястан айылынын 1996-жылы туулган Курбанов Базарали Мавлонжонович аттуу тургуну шектүү катары кармалып, кылмышын моюнуна алган.

АКЧАСЫН БАЙКАП КАЛГАН
Тергөөнүн жүрүшүндө белгилүү болгондой окуя төмөнкүчө болгон. Базарали уурулук кылмышы үчүн кармалып, бир жарым жыл абакта отуруп чыкканына 4 эле күн болгон. Кылмыш болгон күнү ал райондук базардагы акча алмаштыруучу жайда карыянын ири суммадагы акча (болжол менен 60 миң сом) көтөрүп жүргөнүн байкап, «менде сизге керектүү акча бар, акчаңызды башка валютага алмаштырып берем» деп ишеничине кирген. Анан аксакалды айылдын четине алып барып, моюнуна бычак сайып өлтүрүп, акчасын жана уюлдук телефонун алып изин сууткан.
Учурда кылмышка шектелип кармалган Базарали Курбанов СИЗОго киргизилип, тергөө иштери жүрүп жатат.

Султан Төрөбеков
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (37)

hochuradosti

2015-07-15 01:33:29

Баарыбызга ыйман берсин, Аллахым!

Jigitronic

2015-07-15 16:44:23

Аны эмнеге актап жатасыңар?Түрмөдөн чыгып андан жанын багалбай ошол ишке барды да.Эсин оодарып дейсиңер жакшы жол көрсөткөнсүп.Ошол карыянын акчасына курсак тойгузгуча эңкейип өзүнүкүн жебейби бети жок.

diamond1089

2015-07-15 18:38:22

Оо мусульман бир туугандарым бул да ыйманыбыз кемтик экенин билдирет... АЛЛАХ баарыбызга ынсап ыйман берсин..

benissimo

2015-07-16 01:07:57

Айбан турбайбы ...

azimova90

2015-07-16 15:52:23

Ар бир адамга ыйман ынсап берсин.

kuba1

2015-07-17 10:13:22

ооо аллаа ыйман бере корунуз баарыбызга

Gulya141091

2015-07-18 02:42:11

Ой тообо акмак эмне сен картайбайсынбы айбан десе сага андан жыйырма есе оор олум болсо не жалкосун

Gulya141091

2015-07-18 02:44:08

Соз жок просто

aza-murat

2015-07-18 18:22:09

Бул мыкаачы жигит эмес айбан.

aza-murat

2015-07-18 18:27:50

Комменарийлерде тим эле бул айбанга болушуп, тергоочулорду жамандагандар билип алгыла адам олтуруу деген статьяны мойнуна алдыруу мумкун эмес жана эч кимдин духу жетпейт ал нерсеге. Аны уруп сабашы мумкун бирок мойнуна алдыруу учун эмес, эмне учун кылдын деген суроого жооп алуу учун. Мындай мыкаачыларды сабап тим болбостон, жон гана абакка отургузуп койбостон озгочо жазалаш керек.

Ayka1994

2015-07-19 01:28:54

озу жакында эле абактан чыккан экен иштеп жаны жашооо жаны дем менен эле акча тапса болчудай экен элего . Байкуш карыя карыган чагында киши колдуу болуп олтурулгону жаман иш болуптурго. Уй-булосуно ,балдарына айтылуучу создору ,насааттары ичинде кетти окшойт чиркин ай.Аллах бейиши кылсын .Тиги кылмышкер жигит эми баш боштондугунан ажыратылып омур боюу абак жазасына кесилеби

karasuu

2015-07-19 17:24:05

устубуздогу жылдын анан тергоо журуп жатат дейби? бир жылдан ашуун убакыт тергоо журобу???

Zhanybek88

2015-07-19 19:08:04

Колу менен кылган ишти мойну менен жооп берсин

jipara86

2015-07-20 03:12:00

Камалып чыккандар 1-орунда шектелишет.Бирок бул жерде бир сыры бардайго.Жигит жаш экен ал олтурбосо керек.

Erka_kg

2016-04-24 21:20:13

Айбан

Комментарий калтыруу үчүн өз ысымыңыз менен кириңиз же каттоодон өтүңүз.

№ 662, 10-июль-16-июль, 2015-ж