Чыныбай Турсунбеков:«АНДАЙ ЭКЕН, «АТА МЕКЕН» КОАЛИЦИЯДАН ЧЫКСЫН»

Жогорку Кеңештин 5-чакырылышында дагы бир ирет коалиция урап, кайрадан өкмөт отставкага кетип, кайрадан министрлер кабинети курала турган абал өкүм сүрүүдө. Кептин баары «Ата Мекен» фракциясынын лидери Өмүрбек Текебаевдин фракциянын 5 жыл аралыгында жасаган иштери тууралуу маалымат жыйын өткөрүүсүнөн башталды. Журналисттер менен суроо-жооп алышууда башкы «ата мекенчи» КСДП фракциясына, бүгүнкү бийликке карата сын-пикирлерди айтты. Суроолорго жооп берип жатып Өмүрбек Текебаев: «Партиялар клондолуп жатат. Алар КСДПнын батасын алып жатышат. Алардын түзүлүшүнө КСДП өзү макулдук берген»- деди. Ага жооп иретинде КСДП фракциясынын лидери Чыныбай Турсунбеков: "КСДП менен бир коалицияда туруп өзүнүн стратегиялык өнөктөшүн жана союздашын айыптоону, эң жумшак айтканда, адилеттүүлүк эмес деп эсептейм",- деп билдирди. КСДПнын лидеринин билдиришинче, президенттин саясатын колдогону үчүн партияны айыптоо туура эмес. "Мамлекет башчысы элдин үмүтүн актап, жооптуу саясатчылар муну моюнга алып жатышат. Анын жүргүзүп жаткан саясатын колдоо – эптеп парламентке келүү үчүн өзүнө ыңгайлуу болгондор менен кызматташууга даярдыгын жарыялоого салыштырмалуу адилеттүү позиция",- дейт Турсунбеков. Ошондой эле Алмазбек Атамбаевге оппозицияда жүргөндө козголгон мурунку кылмыш ишин экс-мэр Мелис Мырзакматовго козголгон кылмыш ишине салыштыруу мүмкүн эместигин кошумчалады. "Акаев менен Бакиев убагында канчалык аракет кылышпасын, Алмазбек Шаршеновичти кылмыш жоопкерчилигине тарта албаганын Өмүрбек мырза абдан жакшы билет. Ал Жогорку Кеңеште оппозициялык фракция жок деп эсептесе, анда "Ата Мекен" коалициялык көпчүлүктөн чыгышы керек",- деди КСДПнын лидери.
Шайлоого Мелис Мырзакматов менен чогуу бармакчы болгон "Ата-Мекен" бул иш үчүн коалициядан чыгабы деген божомолдор учурда активдүү сөз болууда.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (13)

ertur

2015-07-13 10:41:34

Боозуп алган кыз энесин коркутат болуп ататго Чыныбай мырза, монгуну талкалоого жол бербей койгон учун, Ата-Мекендин акты ак деп айткандыгы учун, аброю которулгондугуно чычалап жатат

Polat

2015-07-13 10:58:19

Ата Мекен коалицияда дегени менен аларда бийлик жок экенин эл коруп эле турат! Чыныбай калп суйлогонду катыра уйронуптур. Ата Мекен партиясы коалициядан чыкса СДПКнын башына тушкон балээ болушат. Андан коро Текебаевге кошомат кылып анын айтканын угуп туруш керек Чыныбай

Sayragul

2015-07-13 13:51:31

Коалиция бузулса, окмот таркатылып, качан тузулуп, кайра качан иштейт. Ушул нерсе Чыныбай мырзанын башын ооруткан жок, тескерисинче, оз кызыкчылыгы мамлекет, эл кызыкчылыгын басып, чычалаган тур корсотот.

aia-s

2015-07-20 02:47:27

Sayragul,ата-мекен жондон жон бироого асылбайт. Эгер батасын алды деп атса демек омурбек мырзанын далили бар болбосо жон гана ата мекен ооздорун ачышпайт

Alibi

2015-07-14 09:46:41

Ата Мекенге азылган Чыныбай ХХХ ХХХ

admin_media

2015-07-14 11:21:12

Alibi,
Эскертүү! Кимдир бирөөнү кемсинтүүгө тыюу салынат!

Alibi

2015-07-14 09:53:21

Чыныбайдын СДПКда лидер деген кана аты болбосо, Чыныбайды чымчыктай да корушпойт

st1m_

2015-07-16 19:55:44

Чыныбайды КСДП беш кундук лидер чалыш кылып койсо Текебаевке тен ата болом деген дымагы бар го.Олоор эчки койчунун таягына суйконот болуп аткан жокпу дейм да.

aia-s

2015-07-20 02:48:24

st1m_,хахахахаааааааа олор эчки ч болуп калабы ошондо...

Alibi

2015-07-18 11:49:24

Чыныбай Акунович калп айтканды мыкты оздоштуруптур! Чыныбай Турсунбековду ЖКда эч ким тоготпойт

Kara-kulzha

2015-07-18 18:08:27

Кайсы бети менен айтты Президент элдин үмүтүн актады деп?

admin_superstan

2015-07-20 10:48:26

Kara-kulzha, кимдир бирөөнүн кадыр-баркына шек келтирүүдөн алыс болууну сунуштайм!

Alibi

2015-07-23 14:43:14

Чыныбайдын колунан асылгандан башка эч нерсе келбеген Чыкентааай чыкентааай

Комментарий калтыруу үчүн өз ысымыңыз менен кириңиз же каттоодон өтүңүз.

№ 662, 10-июль-16-июль, 2015-ж