«ДРЫЩ» КАРМАЛЫП, БИРОК ҮЙ КАМАГЫНА ЧЫГАРЫЛДЫ

Айдоочудан 5 миӊ сом талап кылган МАИ кызматкерлерине байланыштуу интернетке тараган видеонун башкы каарманы, коомчулукта «Дрыщ» деп аталып кеткен жаран колго түшүрүлдү. Буга чейин анын дайыны билинбей жаткан болчу.
«Супер-Инфо» гезитинин өткөн санындагы «Дрыщ» жоголду, көрдүӊөрбү?» деген макалада чуулгандуу видеону тартып, мыйзамсыздыкты ачыктаган коомдук активист Болот Ибрагимов Адилет Жунусов («Дрыщ») андан видео аркылуу кечирим сурап жаткандыгын айткан эле.
13-июль күнү УКМКнын Коррупцияга каршы кызматы активист Болот Ибрагимовдон пара сурашкан Бишкек
ШИИББинин 2 Жол-кайгуул кызматкерине карата кылмыш иши козголгонун маалымдады. Жеӊиш Чокморов менен Урмат Белеков кармалып, УКМКнын тергөө изоляторуна киргизилген. Алар «кызматтык абалынан кыянаттык менен пайдалануу», «опузалап пара талап кылуу» беренелери боюнча айыпталышууда. Ошондой эле МАИ кызматкерлерине жардам кылып, жарандык активист менен чырдашып кеткен Адилет Жунусов да кармалып, камакка алынды. 16-июль күнү Жунусов соттун чечими менен үй камагына чыгарылды. Бишкек шаарынын Октябрь РИИБи Адилет Жунусов менен дагы бир "жардамчы" Азирет Арызовго карата бейбаштык беренеси боюнча кылмыш ишин козгоду. Экөөнүн Жол-кайгуул кызматынын штаттан тышкаркы жардамчылар экендиги айтылган болчу. Тергөөнү учурда УКМКнын Тергөө башкармалыгы жүргүзүп жатат.
Эске салсак, июнь айынын аягында интернетке МАИ кызматкерлеринин жарандык активисттерден пара талап кылып жатышканы тартылган видео тарап, ал кызуу талкууга
алынган болчу.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

ere

2015-07-20 14:30:58

азыр пара талап кылгандар толтура булар ошолордун бир бөлукчөсү.

EdikoKG

2015-07-20 15:09:18

Уй камак деген азыр-эркиндик деген эле болуп калды.

A3A

2015-07-20 18:10:26

Прическасын изолирует албанбы же???))))))

bahbrat

2015-07-20 23:53:48

Дрыщты звезда кылып ийдинерго

kuba.kq8705

2015-07-21 10:37:43

актвистер туура эмес кылышкан аларды да сурака алыш керек болчу эмне учун гаи кызматкерлерин алдашат маилер эл учун иштеп жатса

esentur8893

2015-07-21 12:47:09

kuba.kq8705,МАИлер эл учун деп аябай адаштын го доске

xaiker_007

2015-07-22 19:00:24

kuba.kq8705,Озунда машина айдап МАИге тушкун билесин кээ биркилер ото эле кутуруп кетишкен

kubinez

2015-07-21 15:45:26

Дрыщты эми Атасы чыгарып алат да...

kubinez

2015-07-21 15:46:21

Уй камагына? жон эле бошутуп койбойбу анда...

tatata

2015-07-23 03:08:18

Болот молодец. Мурун да уккам ал жондо. Паракорлорду таза сууга чыгырат, ниети мага жагат. Биз озубуз баштабасак, ким баштайт.Тем более ал чон харам иш

Комментарий калтыруу үчүн өз ысымыңыз менен кириңиз же каттоодон өтүңүз.

№ 663, 17-июль-23-июль, 2015-ж