БИР БҮРКҮМ

Жогорку окуу жайларга АБИТУРИЕНТТЕРДИ кабыл алуунун 1-туру аяктап, гранттык орундарга 2441 абитуриент кабыл алынды. Муну менен гранттык орундардын 47 пайызы толгону айтылды.
Нарын облусунун ИИБинин башчысы Орозбек Молдосариевдин айтымында, аталган дубанда МАИчилердин бир эле РАДАРЫ бар.
Өлкөдөгү аялдардын 34 пайызы, эркектердин 50 пайызы күйөөсү аялына КОЛ КӨТӨРҮҮГӨ укугу бар деп эсептешет. Мындай жыйынтык медициналык-демографиялык изилдөөдө белгилүү болду.
Бишкек шаарында 2015-жылдын башынан бери 42 объекттин КУРУЛУШУ токтоду. Анын 22си каражаттын жоктугунан улам ишин уланта албай жатат.
Кыргызстан боюнча 6 ай ичинде Жол-кайгуул кызматкерлери мас абалында унаа башкарып бара жаткан 7 миӊден ашуун АЙДООЧУНУ токтоткон.
Өкмөт башчынын буйругуна ылайык, эксперттик комиссия 2015-жылдын 15-сентябрына чейин КУМТӨР кениндеги мөӊгүлөрдү изилдешет.
Бишкек шаарындагы «ОШ БАЗАРЫНЫН» тегерегинде 21 менчик клиника уруксат документтери жок иш алып барышат. Мындай маалыматты Саламаттыкты сактоо министрлиги таратты.
БАКТЫБЕК КУДАЙБЕРГЕНОВ өкмөттүн Чүй облусундагы өкүлү болуп дайындалды. Буга чейин ал Ысык-Ата районунун акими болуп иштеп келген.
Транспорт жана коммуникациялар министрлиги Бишкек-Кой-Таш жолун 7 метрге чейин кеӊейтүү боюнча курулуш иштерин баштады.
"Ата Мекен" партиясы АРТУР МЕДЕТБЕКОВ лидерлик кылган Элдик-демократиялык партиясы менен кызматташуу тууралуу документке кол койду.
Бишкек-Ош багыты боюнча жүргүнчүлөргө 5 авиакомпания кызмат көрсөтөт. Билеттердин баасынын тарифин да өз алдынча авиакомпаниялар түзүшөт.
Ишкерлер союзунун мүчөсү Вадим Шахрайдын айтымында, ЭЛИТАЛЫК турак жайлардагы 1 чарчы метрден түшкөн киреше 300 доллардан 600 долларга чейин барат.
Бишкек шаарында 14-15-июль күндөрү абанын температурасынын ысыктыгы боюнча РЕКОРД катталды. 14-июлда күн 39,3⁰сга чейин ысып, 15-июлда абанын температурасы 40,1⁰сга дейре көтөрүлдү.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 663, 17-июль-23-июль, 2015-ж