«БИР БОЛ» ПАРТИЯСЫНДА ГЕНЕРАЛДАР ЖАНА ЧОЛПОН ЖАКУПОВА

Бардык партиялар шайлоого даярдыктарын көрүп, съезддерин өткөрүүгө кам көрүп жатышат. Алардын арасында «Бир бол» партиясы да бар. Партияга келип кошулгандардын тизмеси дале уланып, катарга укук коргоочу, «Адилет» укук клиникасынын жетекчиси Чолпон Жакупова кошулду. Бул тууралуу партиянын басма сөз катчысы Лунара Мамытова маалымдады.
Чолпон Жакупова көп жылдардан бери укук коргоо жаатында эмгектенип, миӊдеген жарандарга укуктук жактан жардамдарын көрсөтүп келет. Аны баары юрист, адвокат катары жакшы билишет.
Буга дейре партияга Жогорку Кеӊештин депутаты Мыктыбек Абдылдаев өзүнүн партиясы менен кошулган. Абдылдаев убагында Ысык-Көл облусунун ички иштер башкармалыгынын жетекчиси болгон, Кыргыз Республикасынын Ички иштер министрлигин жетектеген, Кыргыз Республикасынын Башкы прокурору, Кыргыз Республикасынын президентинин администрациясынын башчысы болуп турган.
«Бир болго» прокуратуранын генералы кошулганын сөз кылып бүтө электе дагы бир чоӊ жылдыздын ээси, милициянын генералы Бакирдин Субанбеков да бул партиянын тизмесинде депутаттыкка аттана турганы белгилүү болду. Райондук, облустук милиция бөлүмдөрүн, ИИМдин башкармалыктарын жетектеп, ички иштер министри да болгон Бакирдин мырзанын да басып өткөн жолу милиция кызматкерлеринин эсинде. Анын күч органында натыйжалуу иштегенин, кылмыштуулукка каршы күрөшүүдөгү эмгегин милиция кызматкерлери бүгүнкү күнгө чейин айтып келишет. Ишиндеги жетишкендиктери убагында бааланып, ошол кездеги президент Аскар Акаев сыйлык, наамдар менен сыйлаган.
Мына ошентип мыйзамдын үч багыттагы «генералдары» бир жерге чогулушту.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

tilek-x

2015-08-17 09:28:27

Бир болдун тизмесинде бут эле эски карышкырларго бири бирин жеп коюшпаса болду!

malywKG

2015-08-19 23:23:24

Бардыгын жейбиз деп чогулгангоо булар,тынч болушсунда бири бирин жебей Алтынбек ака ноокаттан болот шайлоодон отуп калса спортту онуктурот спорт онуксо мамлекеттин аты алыска тарайт

ayva

2015-08-21 00:39:47

Темселеп журо беришет, карманды толтура беришет ,ач карышкырдын жарылганча жесе дагы курсагы тойбойт

cholpon22

2015-08-24 15:10:41

Чолпон эже абдан тажрыйбалуу эже, эже менен наристелерин укугун коргоо боюнча Адилет клиникасынын проектисинде чогуу иштешкем. Эже чындыгына кесипкой, ишти ийинине жеткире аткарган инсан экендигине ынангам.Ошондуктан Чолпон эже депутат болуп калса абдан сонун болот.

jajadan

2015-08-24 15:15:57

Башка партияларга салыштырмалуу Бир болдун тизмеси "таза". Чолпон эженин Бир болго кируусу стратегиялык жактан ото мыкты кадам болду.

ruslanova

2015-08-24 15:17:30

Партиянын списогун карасанар тажрыйбасы зор, эмгек синген инсандар коп экен ичинде. Эгерде баардыгы биргелешип иштесе Кыргызстан учун абдан пайдалуу болот деген ойдомун. Мыктыбек Абдылдаев, Чолпон Джакупова, Кыяс молдокасымов эл сыйлаган, эл ишенген адамдар.

mamaboss

2015-08-24 15:23:16

Чолпон эженин буга чейинки жасаган иштери көңүл сүйүнтөөрлүк.Элибиз үчүн талбай кызмат кыла бериңиз.Биз сизди дайым колдойбуз.Бар болуңуз!Бир бололу!

karakoks

2015-08-24 15:26:22

Чолпон Жакуповнаны күчтүү команда менен көрүп жатканыма абдан кубанычтамын.Бир Бол партиясына өз ишин мыкты билген кесипкөй адистер топтолгон .Биз сиздерге ишенебиз.Бир бололу!

Комментарий калтыруу үчүн өз ысымыңыз менен кириңиз же каттоодон өтүңүз.

№ 667, 14-август-20-август, 2015-ж