МЫРЗАКМАТОВ ШАЙЛООГО КАТЫШПАЙ КАЛАБЫ?

Оштун экс-мэри Мелис Мырзакматов 22-июлда Ош шаардык соту тарабынан 7 жылга эркинен ажыратылган. Ал карматпай жүргөнүнө байланыштуу издөөгө жарыяланып, өкүм сырттан чыгарылган. Өкүм боюнча, экс-мэр мэриянын бюджетине 29 миллион 714 миӊ 134 сомдун ордун толуктап да бериши керек. Анын тарапташтары соттун өкүмүнө нааразы болушуп, адвокаттары өкүм менен макул эместигин билдирип, кийинки инстанцияга кайрылышкан болчу. Бирок өкүм өзгөрүлбөгөн бойдон калды, 19-август күнү Ош облустук соту тарабынан Мырзакматов «кызматтык абалынан кыянаттык менен пайдалануу» беренеси боюнча күнөөлүү деп табылды.
Экс-мэрдин жактоочусу Чынара Жакупбекова маалымат жыйын өткөрүп: «Мелис Мырзакматов парламенттик шайлоого чейин убакыттын тардыгынан улам сот тарабынан акталбай калышы ыктымал»,- деди. Адвокаттын айтымында, Мырзакматовдун ишин карап жаткан Ош облустук сотунун судьялары соттук отурумда процессуалдык нормаларды бузушкан жана аларга карата кылмыш ишин козгоону өтүнөрүн билдирди. «14-августта мен Жогорку Сотко облустук соттун курамындагыларга ишенбөөчүлүк көрсөтүп кайрылгам. Бирок облустук сот 17-августта менин арызымды карабай туруп Мырзакматовдун ишин карады. Ошондуктан мен прокуратурага соттук коллегиянын курамындагыларга кылмыш ишин козгоо боюнча кайрылам»,- деди Жакупбекова. Андыктан «Ата Мекен» партиясынын талапкерлер тизмесинде алдыӊкы сапта бараткан Мырзакматовдун талапкер катары БШКдан каттоодон өтөр-өтпөсү коомчулуктун көӊүл чордонунда. Мырзакматов соттолгон адам катары парламенттик шайлоого катыша албасы айтылууда. «Ата Мекен»: «Мырзакматов тизмеден чыгарылбайт. Партия айткан сөзүнөн өмүрү кайткан эмес»,- деп билдирүү таркатууга жетишти.
Конституцияда «Кыргыз Республикасынын Президентин жана Жогорку Кеӊештин депутаттарын шайлоо тууралуу» мыйзамдын 3-беренесине ылайык, соттолгондугу алынып салынбаган же мыйзамда белгиленген тартипте жоюлбаган адамдар президенттин кызматына жана Жогорку Кеӊештин депутаттыгына шайланууга укугу жок.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (67)

Otserdsa_privet

2015-08-25 21:51:04

Сот чечимин аябагандай тез чыгарганын байкадынарбы? Демек тез керек болгону айдан ачык, эми ойлогула качан эле сот андай тез иш кылат эле, демек жогорудан буйрук келген!!!
Жегенин коргондой суйлогонунор тан калычтуу, бизде бийлик, сот кимге керек болсо ошого жалаа жаап коеру белгилуу эле но, эртен "сен" Кыргызстандын жеп жутаар бийлигине каршы чыккын сага да созсуз асмандан алып болсо да иш козгойт. Мелис Мырзакматовдун кылган жакшы иштерин коргон атуул катары айтып жатамын, ал чыныгы ишбилги

beki.kg

2015-08-26 09:25:08

ушул жерде да тундук туштук болуп болунбой эле койойлу.эн башкысы КЫРГЫЗбызго достор.Мелис Мырзакматов жакшы иштеген адам.

koxa95

2015-08-26 10:54:11

Мелисти бир кудай билет жеген жебегенин. Бирок озунун ордун билген ишине так инсан эле.

ere

2015-08-26 15:58:06

катышатко

Amir201519

2015-08-26 16:34:17

Кргы судьяларга ишениш кыйдашып жатат

stal.ks

2015-08-26 21:03:12

Мелис аке азамат,,, башка мээрге окшоп жогорудан келген буйрукга баш ийбейт ошого бийлик коркуп андан кутулгусу келип ар нерсе ойлоп таап каралап жатат.

omur2105

2015-08-27 14:07:14

Мелис Мырзакматовту колдойбуз.

Santta

2015-08-27 14:36:29

Азыркы бийликте олтургандарга айтаар элем,Керек болсо Мелис жесе жегенге иштесе иштегенге татыктуу,Канчалаган чондор гымыйып жеп журот Элге эмне кылганынан дайын жок,Мелис жеген болсо ошого жараша Элдин келечегин ондогонго жана ойлогонго духу жетет,баарына бирдей коз карашта мамиле кылыш керек бутунан тартып толька озум болсом дебей!Эмне учун онуп остуро турган инсандарды жок кылгысы келет?Бул да болсо коро албастык жана озунун кызыкчылыгын ойлогондор деп эсептейм!

malywKG

2015-08-27 22:12:27

Мелис Ака биз сиз менен АША эмнени ойлоду экен ааа вазир жакшы хан жакшы дейбеле ушу АшАнын вазирлери булгап жататкоо менимче Омур Ака да билет не кылышты озу президент болгусу барго Омур ака

ice_baby

2015-08-28 12:07:35

Биз Мелис Мырзакматовту колдойбуз. Анткени ал чыныгы патриот инсан. Бийликтегилердин бири да Мелиске тен келе албайт. Ошту гулдотту, насип кылса Кыргызстанды да гулдотот!

Mirba24

2015-08-28 15:51:47

Адилет ийилет бирок сынбайт. Мелис акталат буйруса.

Adik01219

2015-08-29 04:11:20

Мырзакматов ак Иш кылды ошту гулдотуп койду ошону коро албай жатышат окшойт бишкектегилер.,саясатта эн три инсандардын бири боюнча кала берет деп ишенем.,.

Aikyn93

2015-08-29 11:42:24

кандай адам экени корунуп эле турбайбы кантип колдойсунар ушуну

gulumai

2015-08-30 20:07:42

Melisti el koldoit menda koldoim

KAN.ABI

2015-08-30 20:21:16

Оздору иштебейт же бироону иштетишбейт!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 668, 21-август-27-август, 2015-ж