«ЖАРАНДАРДЫН БИОМЕТРИКАЛЫК МААЛЫМАТТАРЫН ТОПТОО КОНСТИТУЦИЯГА КАРШЫ КЕЛБЕЙТ»

Жогорку Соттун Конституциялык палатасы «жарандардын биометрикалык маалыматтарын топтоо Конституцияга каршы келбейт» деген чечим чыгарды. Мындай чечим Конституциялык соттун 14-сентябрдагы отурумунда кабыл алынды. Конституциялык палатадан билдиришкенине караганда, чечим бир добуштан кабыл алынды.
Эске салсак, жарандардын биометрикалык маалыматтарын топтоо Конституцияга каршы келерин аныктап берүүнү өтүнүп укук коргоочулар Токтайым Үмөталиева менен Нурбек Токтакунов Конституциялык палатага кайрылышкан.
Шайлоону уюштуруу боюнча республикалык штабдын төрагасы, биринчи вице-премьер-министр Тайырбек Сарпашев белгилегендей, биометрикалык маалыматтарды чогултуу шайлоо тизмесин так түзүүгө жана акыйкат добуш берүүгө шарт түзөт.
Жарандардын биометрикалык маалыматтарын каттоо 2014-жылы августта башталган. Сарпашевдин билдиришинче, биометрикалык маалыматын тапшыргандардын саны учурда
2 миллион 614 миӊ адамдан ашып, шайлоочуларды идентификациялоо иши аяктоо алдында турат. Азыркы тапта өтүп жаткан «Өзүӊдү тизмеден такта!» аттуу акциянын алкагында жарандар шайлоо тизмесинен өздөрүн тактап жатышат.

Адилет Туратбеков
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Taalaibek.

2015-09-21 19:23:12

Биометрикалык маалыматтар коррупцияга айланып кетти. Себеби биометриядан откон жарандар, кайра тешерилгенде компьютерден чыкпай калып жатышпайыбы. Буга эмне себеп? Себеби чиновнитерибиз так иштей алышпай жатышпайбы.

sumka

2015-09-21 22:49:18

Men otkon emesmin.zyan jagy jokpu joop berip koigula4y surany4???

Nurmuxammet

2015-09-23 13:38:14

sumka, Зыяны жокко эсе, шайлоого катыша албайсыз, дагы бир эки чектоолор бар(((

novayariga

2015-09-22 09:57:21

Зыяны сиздин баардык маалыматыныз бийлик адамдарына жеткиликтуу болот. Бул соз-жипсиз байлап алуу. Бирок каранызчы кандай жол менен болсо да биометрикалык маалыматты тапшырууга мажбурлашып жатпайбы. Шайлоого катыштырбай, чет жакка чыгарбай ж.б.у.с. Бул адам укугун тебелегендик! Биометрическийден отобу отпойбу ар бир жаран озунун добушун берууго укуктуу, каалаган жагына учууга укуктуу. Мына жипсиз жетелегени уже ушул укуктан ажыратышты.

Комментарий калтыруу үчүн өз ысымыңыз менен кириңиз же каттоодон өтүңүз.

№ 672, 18-сентябрь-24-сентябрь, 2015-ж