БИШКЕКТЕ ОКУУЧУЛАР БЫЧАКТАШЫП, 6 БАЛА ЖАБЫР ТАРТТЫ

Бишкекте 16-сентябрь күнү №38-мектептин окуучулары менен Республикалык Олимпиадалык резерв спорттук окуу жайынын окуучуларынын ортосунда мушташ чыгып, бычакташууга чейин жеткен.
Милиция кызматкерлери окуя болгон жерге барып бычактан жаракат алган эки өспүрүм баланы көрүшкөн. Алар «Тез жардам» менен ооруканага жеткирилген соӊ Улуттук хирургиялык борборго да 2 өспүрүм бычактан жаракат алып түшкөнү маалым болгон.
Жалпысынан өспүрүмдөрдүн мушташынан 6 бала жабыр тарткан. Алардын төртөөнө бычак сайылган. Дагы бир өспүрүмдүн мээси чайкалып, биринин жаагы сынып кеткен.
Алдын ала маалыматтарга караганда, №38-мектептин бир окуучусу ошол күнү бычак көтөрүп жүргөн жана Олимпиадалык резервдин окуучуларын бычактаган болушу мүмкүн. Ал эми бычактан жабыркаган окуучулардын абалы оор болуп, алар жандандыруу бөлүмүндө жатышканы маалымдалды.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Karysh

2015-09-21 11:09:24

бала да чоңоюшканда күлүшөт эмне талашып мушташкандарын эстештип

altyw95jan

2015-09-21 23:52:30

Karysh,Эмнесине кулот эй, балада дейсинда. Олуп калса эмне болот, омур бою Кудай алдында куноокор болот. Ансыз деле олуп деле калып атышпайбы. Тооба деш керек мындай нерселерге!

nazi25

2015-09-21 17:55:45

Күлө турган окуя бекен,абадары оор болуп,реанимацияда жатышса.

Albengo

2015-09-21 18:47:24

Ошо да!

Azura

2015-09-22 12:18:37

ИНКУБдун балдары менен №38 орто мектептин балдарынын чыры бутпой койду.

Комментарий калтыруу үчүн өз ысымыңыз менен кириңиз же каттоодон өтүңүз.

№ 672, 18-сентябрь-24-сентябрь, 2015-ж