СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Дезерт — акыркы убактарда көпчүлүктүн сүйүктүү бут кийимине айланды. «Desert, desert boots» англис тилинен которгондо «чөл, чөлдө кийилүүчү бут кийим» дегенди билдирет. Бул бут кийимдердин үстүӊкү бөлүгү замшадан тигилсе, ал эми тамандары резинадан жасалат. Экинчи дүйнөлүк согуш убагында британиялык армиянын аскерлери Мисирде дал ушундай ботинкелерди күнүмдүк жашоодо, эс алууларында кийип жүрүшчү экен. Кийинчерээк, тактап айтканда, 1949-жылы Каирде аскер кызматын өтөп келген Натан Кларк аттуу адам дезерттерди «Clarks» маркасынын алдында сата баштаган. Бирок бул бут кийимдер мынчалык популярдуу болорун эч ким билген эмес. Айрым маалыматтарга караганда, жылына 40 миллион дезерт бут кийимдери сатылат.
Стоунтерапия – бул адамды эс алдыруучу таштар менен жасалуучу массаж. Англис тилинде «таш» дегенди түшүндүргөн «stone» сөзүнөн алынган. Мындай массаж акыркы убактарда чоӊ шаарлардын жашоочуларынын арасында абдан популярдуу болуп жатат. Стоунтерапияда жалпак, жылмакай таштар колдонулат. Алар бир аз жылытылып же муздатылып, анан адамдын денесине коюлат. Мындай нерсе өз кезегинде кан айлануунун жакшыруусуна, денедеги ашыкча суюктуктардын чыгышына түрткү болуп, иммунитет жогорулайт дешет. Массаждын бул түрүн SPA борборлордун дээрлик бардыгы жасашат. 
Кавер — бул автордук музыкалык чыгарманын башка ырчы тарабынан аткарылышы. Ал англис тилиндеги (cover) «жабуу» деген сөзүнөн келип чыккан. Адатта абдан популярдуу болгон ырлар кавер болуп аткарылат. Кээде белгисиз эле ыр кавер болуп ырдалган соӊ таанымал болуп чыга келет.