СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Октагон – эрежесиз эр уруштун сегиз бурчтуу таймаш өтчү майданы. Бул сөз англис тилинен которгондо 8 бурчтук дегенди түшүндүрөт. Бардыгыбыз байкагандай, эр уруштун ринги 8 бурчтуу. Алгач бул спорт түрү жаӊыдан пайда боло баштаганда, анын негиздөөчүлөрү беттештер 8 бурчтуу майданда өтөт деп чечишкен. Эр уруштун эӊ биринчи мелдешине да ар кандай спорттун түрү менен алектенген 8 спортчу катышкан. Жейсон Кассон аттуу сүрөтчү дал ушул сегиз бурчтукту бул спорттун эмблемасы катары тартып берген. Азыр октагон эрежесиз эр уруштун эӊ негизги символу.
Лайфхак – күнүмдүк жашоого керек болгон, пайдалуу кеӊеш дегенди түшүндүргөн заманбап сөз. Англис тилинин «life» (жашоо) жана «hack» (ачуу, бузуу) деген сөздөрүнөн келип чыккан. «Жашоону ачуу» деген маанини берет.
Краш-тест – унаалардын коопсуз экендигин текшерүү үчүн уюштурулган сыноо. Англис тилинин «crash test» деген сөзүнөн алынган, бизче которгондо «авариялык сыноо» дегенди билдирет. Бул үчүн жаӊы жасалган унаага манекен салынат, андан соӊ унаа белгиленген ылдамдыкта келип бетон дубалды сүзөт. Унаанын жараксыз жерлери, ичиндеги манекендин кандай жабыр тартканы текшерүүгө алынат. Акыркы кездерде бетон дубалынын ордуна карама-каршы тилкеде келе жаткандай элес калтырган унаага окшош атайын каражат колдонула баштаган. Бул авариялык кырдаалды чындыкка болушунча жакындатуу аракети экени айтпаса да белгилүү. Краш-тестте кээде унаанын капталына, аркасына да соккулар урулат. Акыркы кездерде краш-тест жеке эле унааларга эмес, ноутбук, уюлдук телефондорго да колдонулуп калды.