БЕШИК БООӉОР БЕК БОЛСУН!

«Автомат» атыккан төкмө акын Жеӊишбек Жумакадыр 25-сентябрь күнү уулдуу болду. Мындан сырткары акындын 3 кыз, 1 уулу бар. Мураскерлүү болгонуна кубанган Жеӊишбек мырза: «Учурда уулумдун да, энесинин да саламаттыгы жакшы. Атын Нурбелек койдум»,- деп сүйүнүчү менен теӊ бөлүштү.
Ырчы Гүлзада Рыскулованын да үй-бүлөсүндө толуктоо болуп, 24-сентябрда жолдошуна балканактай уул төрөп берип, кубанычы артып турган маал. Энелик мээримин төгүп, баласынан чарк айланып турган Гүлзада айымга куттук айтып, азыноолак суроо узаттык.
– Бешик бооӊуз бек болсун! Кичинекей чоӊоюп жатабы? Кыйналган жоксузбу?
– Рахмат! Төрөт жеӊил болду, уулум 3 килограмм 900 грамм салмакта төрөлдү. Курман айт күнү жарыкка келгендиктен, чоӊ атасы «өз аты менен төрөлдү» деп Курманбек
деген ысым ыйгарды.
– Кимге окшош экен деген суроо көп берилет эмеспи. Өзүӊүз кимге окшоштуруп жатасыз?
– Көргөндүн баары эле «атасына окшош экен» деп жатышат. Мен кара торумун, балам атасына окшоп ак жуумал. Мага деле окшош жактары бар.
– Адатта улуу балдар апасын бөбөгүнөн кызганат эмеспи. Агасынын инисине болгон мамилеси кандай болуп жатат?
– Балам «качан төрөлөт?» деп күн санап, бөбөгүнүн төрөлүшүн аябай күттү. Азыр ал 12 жашта, кызгана турган учурдан өтүп калды да. Бош убактысы болсо инисин эркелетип жанынан чыкпайт.
– Кыргызда баланын кыркы чыгып, эне тыӊыганча төркүнүндө болот эмеспи. Азыр каяктасыз?
– Шаарда, өз үйүбүздө элемин. Төркүнүмө барган жокмун. Азыр жолдошум кол кабыш кылып жеӊилимди жерден, оорумду колдон алып жатат.
– Уулуӊузга өмүр, сизге ден соолук каалайбыз!

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

eliza5566

2015-10-05 09:43:18

келечектеги ырчылар жарыкка келишиптир да омурун берсин.

cezim01

2015-10-05 14:08:20

Бала торолгону эле жакшы. Ыймандуу балдар болуп чоноюшсун

jypar.i

2015-10-06 20:30:59

Ымыркайлар аман-эсен торолуп,чоңоюп,ата-энелериндей кыргыздын жакшы уулдарынан болушсун, Алардын ата-энелерине да ден-соолук, ийгилик каалайм

AFRODITA-89

2015-10-06 23:15:50

жакшы кабар экен! Бешик боо бек болсун!!! Гулзада Курманбекти катыра ырдачуу эле мына эми мынтип Курманбекги озуно насип боултур!

snikers.777

2015-10-06 23:39:39

Курбан айт болсо керек Курман айтпы же

karona

2015-10-08 15:26:22

Жениш мырза бешик боо бек болсун!

Комментарий калтыруу үчүн өз ысымыңыз менен кириңиз же каттоодон өтүңүз.

№ 674, 2-октябрь-8-октябрь, 2015-ж