Канатбек Исаев: «ТИЗМЕГЕ ИЛИНБЕГЕНДЕРДИН АКЧАСЫН КАЙТАРАБЫЗ»
Ушул жекшемби күнү, 4-октябрда, парламенттик шайлоо өтөт. Жарышка аттанган партия лидерлеринин «Азаттык» менен болгон маектеринин соӊку бөлүгүнө орун беребиз.
– Саламатсызбы? Биринчи суроо: «Кыргызстан» талапкерлер тизмесин БШКга бергенге чейин аябай жашырды. Мында кандай сыр бар?
– Тизмени түзгөндө партияда талаш-тартыштар аябай көп болду. Бул эми жаӊы партия болгондуктан жер-жерлердеги талапкер болуп чыккан адамдардын оюн да угуп, кимдин кандай күчү, потенциалы бар, ошого жараша тизмени түзгөнгө аракет кылдык. Баары эле мен утам, жакшы добушка ээ болом, жеӊип келем деген ойдо, уттурам деп эч ким чыкпайт. Баары эле алдыда турсак дейт. Ошондуктан кыйын болду.
– Кандай критерийлер менен тандадыӊыздар, сиз анан дагы бир лидер эки тизме алып чыкты деген сөз болуп жатпайбы?
– Жок, андай болгон жок.
– Аргументтер менен эле айтып жатышпайбы.
– Башынан эле өзөгүн түзүп койгонбуз, болгону айрым аймактардан нааразычылык болду. Ошого байланыштуу түзөтүү иштерин жүргүздүк. Басымдуу бөлүгү баштапкы тизмедеги адамдар эле калды.
– «Шайлоо кызыганча штабдарды түзгөнгө, үгүтчүлөрдү тапканга 30 миӊден 50 миӊ долларга чейинки каражат сарптадык эле, биз илинбей калдык» деген фактылар болду. Сиз аларга короткон акчаӊарды төлөп берем деген экенсиз. Төлөп бересизби?
– Бизде акча коротуп, анан тизмеге илинбей калдым деген факт болгон жок.
– Акчасын төлөп бересизби ошондой болсо?
– Эгерде акчасын коротуп, тизмеге илинбей калса, акчасын кайтарып беребиз.
– «Кыргызстан» КСДПнын бир бөлүгү, ага кирбей калгандар «Кыргызстанга» кирип жатат, шайлоодо оппозициянын добушун бөлүп-жарып, КСДПга колдоо көрсөтөт" деген сөздөр болуп жатат.
– Ооба, коомчулукта ар кандай сөздөр көп болуп жатат. Биз өз жолубузду, өз багытыбызды тандап алган партиябыз. Ооба, КСДП менен мамилебиз жакшы. Ошол эле башка партиялар менен да мамилебиз жакшы.
– Бирок КСДП менен мамилеӊиздер өзгөчө жакшы...
– КСДП менен деле талаш-тартыш маселелер көп.
Текст «Азаттык» сайтындагы видеомаектерден түшүрүлүп, кыскартылып берилди.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
мен ушуларды СДПКнын бир болугундой элестетем
eliza5566, туура элестеткенсин!
Андай болсо жаман экен.Кантип отту десе, корсо..... деген суроо туулат.
altynbek_canto,мен шайлоо учурунда "Кыргызстан" партиясынан 4-5 жигиттин шайлоо участогунун жанында келаткан элдерди тосуп алып бир нерсе деп жатканын көрүп калдым.Ошол жердеги бир байкоочу бирөөгө акча берип жатканын көрүп чатак чыгарганда туш-тушка качышыптыр деп да уктум.Бир Кудай билет,айла жок
Ошондо,КСДП экиге болунуп,оздоруно коп кол топтоонун амалын кылгандай. Дагы да бийлике мурунку жеп-ичкендер келишиптир.
КСДПнын бир болугу эле,калп эле мойунуна албай жатат. Шайлоодон отпой калса добушун КСДПга бере салышмак. Буларды КСДПнын клон партиясы дейт.
edu.kg.,жуз пайыз айтканына кошулам
Ааааа ушундай дегилеее,айттыым эми эле тузуло калып,кантип эле отуп кетти деп...ммм десе...
Партийний болбогон нерсе,ким кандай адам депутат болору белгисиз. Бул деген мафия
1 добушка 1000 сомдон акча беришти биз жакта
Нурбек Алимбеков деген жигит биздин айылга кызмат кылган. эл билет. ошон учун колдодук Учардыктар. дагы жакшы иштерди жасайт деп ишенебиз.
Venchuk, курамы окшош сайттарды жарыялоого тыюу салынган! 3 күн БАН!
Kyrgyzstan parti9synyn lideri Kanatbek Isaev Respublika parti9synan 4ykkan anan kantip SDPKnyn parti9sy bolup kalat
Бакиев президент болуп турганда Ак-жол партиясы утмак
журналист жарга такаган суроолорду бериптир.
Укканга ишенбей,озубуз коргонго ишенели,анан суйлойлу,антпесе ар кимден ар кандай соз жакшыны жаман жаманды жакшы кылган ушактан сактаналы.
