САЛЯНОВАНЫН КҮЙӨӨСҮ 7 ЖЫЛГА КЕСИЛДИ

Экс-башкы прокурор, эми Жогорку Кеңештин депутаты болууга даярданып жаткан Аида Салянованын күйөөсү Бакыт Абдыкапаровду Бишкек шаарынын Биринчи Май райондук соту 3-октябрда 7 жылга шарттуу кести. Эске салсак, Бакыт Абдыкапаровго «кызматтык абалынан кыянаттык менен пайдалануу», «мамлекетке ири өлчөмдө зыян келтирүү», «алдамчылык» беренелери боюнча айып тагылган эле. Буга чейин Бакыт Абдыкапаров үй камагында болуп келген.
Аида Салянова күйөөсүнө карата козголгон кылмыш иштерин өзүнүн саясий ишмердүүлүгүнө байланыштуу деп жарыялаган.
Белгилей кетчү жагдай, 6-октябрда мамлекеттик айыптоо Биринчи Май райондук сотунун чечимине макул эместигин билдирип, Бишкек шаардык сотуна апелляциялык арыз жөнөттү. Негизинен мамлекеттик айыптоо Бакыт Абдыкапаровду 7 жылга катаал көзөмөлдөгү колонияга кесүүнү жана үй-мүлкүн конфискациялоону өтүнүшкөн. Башкы прокуратурадан: «Бардык айыпталуучулар шарттуу түрдө гана кесилгенине нааразыбыз, бул чечимди жокко чыгаруу үчүн аракет кылабыз»,- деп билдиришти. Демек, Бакыт Абдыкапаровдун кайрадан сот залына барып калышы ажеп эмес.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

warsaw.

2015-10-12 10:01:57

закон баарына бирдей иштеш керек камаса камалсын башкасына сабак болот!

gulnur.narmatova

2015-10-12 13:19:41

Бизде азыр акыйкат жок болуп баратат акча берип чыгып кетет го менимче

Pantherka

2015-10-12 14:00:30

Азыр кимисиники чын деп ойлойсун, угуп отурсан баары эле туура суйлоп жатат...

Nurbol

2015-10-12 14:35:15

шарттуу турдо кескени ачыка эле кесилгениби?

samsungc3

2015-10-13 05:18:56

Жакында бул деле ооруп калат анан чет олкого "дарыланганы" кетет. Ошону менен бутот 7 жылы

ksb

2015-10-13 19:37:15

Шартуу кесип убара болбой эле коюшса болмок экен.Уйронгон адат калабы дегендей,мурдагыдай эле алып жутуп ичип жеп,ойноп кулуп журо берет байкебиз буйруса."Мамлекетке ири олчомдо зыян" келтиришип алып эле журо беришет кабагым кашым дебей.А колунда пулу жок байкуштарды тоок урдаса эле 5 жылга кесип салышат(((

Комментарий калтыруу үчүн өз ысымыңыз менен кириңиз же каттоодон өтүңүз.

№ 675, 9-октябрь-15-октябрь, 2015-ж