#120КРЕСЛО #УЯТБАРБЫ #МЕНИНОТУРГУЧУМ

Парламенттик шайлоодо утуп чыккан партиядан депутат болчуларга 2 миллион 682 миң сом каражатка кресло алынары белгилүү болуп, коомчулук буга активдүү каршылыгын билдирди. Социалдык тармактарда «#120кресло#уят барбы# менинотургучум» деген хэштеги бар флешмоб башталып кетти. Флешмобдо ар ким өзүнүн жөнөкөй отургучун сүрөткө тартып, муну менен жогорудагыдай чыгымдуу иш-аракетке каршылык көрсөтүштү. Парламентке барчу Жанар Акаев, Эльвира Сурабалдиева өңдүү жаштар да 2 миллион сомдон ашык каражатка отургуч алууга каршы экенин билдиришти. Ал эми «Рак оорусуна каршы кыймылы» отургуч алуу үчүн жумшала турган акчаны онкологиялык борборлорду жаңы жабдыктар менен камсыздоого коротууну сунуштап, кол топтоп баштады.
Жогорку Кеңештин иш башкармалыгынын эски отургучтар жетим балдар үйүнө берилет деген маалыматы нааразычылыкты ого бетер күчөттү. Негизгиси, коомчулуктун активдүү пикиринин жыйынтыгы жаман болгон жок. Мамлекеттик сатып алуулар сайтына жалаң булгаарыдан жасалган, 120 килограммды көтөрө алчу 120 кресло сатып алуу боюнча 2-октябрда жарыяланган тендер спикер Асылбек Жээнбековдун буйругу менен токтотулуп, депутаттар мурунку отургучтарды колдоно турган болушту. Коомдун каршы пикиринен улам максатсыз чыгымдарды токтоткон учур Кыргызстанда биринчи болуп жатканын да баса белгилей кетүү керек. Башкысы, коомчулук кайдигер болбосо, жыйынтык чыгарууга болот.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (17)

warsaw.

2015-10-19 09:46:36

кресло тандашып тим эле келеалбай жатышып биротоло диваны менен заказ кылышпаптыр эле да күйдүргүлөр...

+10

eliza5566

2015-10-19 10:00:36

150 килограммдык здоровый депутаттар булкунуп суйлоп жатып отургучтарды сындырып жиберишсе керек.

kobra86

2015-10-19 15:09:44

eliza5566,Мейли булкунуп суйлоп жыртса дегиз ошого жараша майнап чыкса экен булардан

EdikoKG

2015-10-19 10:06:52

Иш баштай элек жатып,кресло тандашат. Ушундай максатсыз чыгымдар коп жумшалып,канчалаган акчалар ысырап болууда. Уялгыла айланайын чондор!

Wave.

2015-10-19 10:29:44

Ким билет, дагы эмнелерди башташат креслону коюп? Шайлоо таза отту деп эле кыйкырышат. Чынында кандай откону тууралуу интернетте толтура материалдар журот. Уят да оз элин алдагандары...
Кечээ эле Республиканын тизмесиндегилер журушот эле нааразы болуп биз жазбаган арызды жазды деп тизмеден чыгарып салышты деп.

tavanova.sarah

2015-10-19 13:41:39

Това кулкуну эле келтирет. Эми ХХХ пахтадай жумшак отургуч каалап калыптырвы))

admin_superstan

2015-10-19 14:26:04

tavanova.sarah, коомдук адепке туура келбеген билдирүү жазуудан алыс болуңуз!

-1

ZHaziko

2015-10-19 14:42:17

Иштейм деген кишиге кресло кереги жок ал туруп деле ишти бутуро берет!

kobra86

2015-10-19 15:12:03

ZHaziko,Ошшода иш колунан келбесе же иштегиси келбесе крресло деле жардам бербейт тескерисинче ныксыратып уктатат

kuba1985

2015-10-19 15:57:41

анда- санда 1 отурушса отургучтары эскирип кетмек беле.кичине кудайды карашса боло. кээ бир мектептерде союздан калган парталарда окуп жатышат. андан коро ошолорго жардам бербейби.

sharshenbek

2015-10-19 18:40:48

120 килограмм болгуча жеп жутабы баары ошондо депутат эмес эле жепжутат го анда

ROUSE

2015-10-19 21:02:47

Ойииий 120 кг стандарт фигура экен да депутаттар арасында

zarlyk2211

2015-10-20 13:40:00

Бир ааз иштегенден кийин алышсада мейли эле.

marmelad009

2015-10-20 23:21:59

простой деле креслого отурушса эмне болот? и так эле уйлорундо укмуш мебельдерде жатышат болуш керек.

soccer_boy95

2015-10-22 10:54:25

Красавчик Жанар Акаев...Барыбир Алайлыксын да

Ledi89

2015-10-24 20:53:09

Жанар Акаевды Куудай сактасын бир кун тынчытып кетпесе болту. Ким жакшы иштесе жок кылатко. Оорукчан балдарды ойлоп жан куйдургону жакшы,керектуу опараттар алынып калсын.

Raymer88

2015-10-25 10:03:21

5 Жыл элди унутушат эми шайлоо откучо андай кылып жиберебиз мындай кылып жиберебиз жыргатабыз дешип эми оздорунун кызыкчылыгын ойлошот

Комментарий калтыруу үчүн өз ысымыңыз менен кириңиз же каттоодон өтүңүз.

№ 676, 16-октябрь-22-октябрь, 2015-ж