ДЕПУТАТТАР ИШТЕБЕСЕ ДА АЙЛЫК АЛЫШТЫ

Жогорку Кеңештин 5-чакырылышы 15-октябрда ишин жыйынтыктады. Бардыгыбыз билгендей, парламенттик шайлоого байланыштуу депутаттар сентябрь айында иштешкен жок. Алардын дээрлик бардыгы жаңы чакырылышта кайрадан креслого отуруп калуу аракетинде үгүт иштеринде жан үрөп жүрүштү. Эл өкүлдөрү жумуш ордуна келишпесе да, сентябрь айы үчүн алар айлык алышты. Жалпысынан сентябрда Жогорку Кеңештин чыгымдары 77,5 миллион сомду түздү. Каржы министрлигинин билдиришинче, депутаттардын, аппарат кызматкерлеринин айлыгына 44,5 миллион сом бөлүнгөн.
Жогорку Кеңештин басма сөз кызматы: «Жогорку Кеңештин учурдагы чакырылышынын ыйгарым укуктары Жогорку Кеңештин кийинки чакырылышынын биринчи отурумунан тарта токтотулат. Мындан улам депутаттарга маянаны төлөп бербөөгө негиз жок»,- деген билдирүү таркатты. Айтор, жумушка чыкпаса да депутаттарга мөөнөтү бүткүчө айлык берилет дешти. Улуу Британиянын айтылуу өкмөт башчысы, «темир леди» атка конгон Маргарет Тетчердин абдан даана айтылган кеби бар: «Эч кандай мамлекеттик акча болбойт, салык төлөөчүлөрдүн гана акчасы болот»,- деген. Мындайда «иштебеген – тиштебейт» принцибин колдонуу адилеттүү болмок.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

knk

2015-10-26 09:25:43

Бул акчага келишкен бир мектеп салса болот эле го.

Bonia9189

2015-10-26 11:50:46

Не дейин аш болбосун,мен ушул саясатка такыр комент калтырчы эмес элем акыркы убакта копту булар,кылган эч нерсеси жок мандаттарын жууп ар кайсы жаш кызды кучактап клубдап,кафелеп журуп алыштыбы айлыгын кайран эл ушул сакалы орттонгон ХХХ ишенген,биз онукпойбуз коросунор ушул темп менен жок болобуз(тыксанар банга тыккыла мен дагы куйгонумон жазып жатам)

admin_superstan

2015-10-26 12:02:08

Bonia9189, этика нормаларын сактоону сунуштайм!

Bonia9189

2015-10-26 12:24:22

admin_superstan,кечиресиз админ апче,бирок силердин деле жининер келсе керек

jemchuk

2015-10-26 12:08:05

бизден мандай тер менен тапкан акчаларыбызды ойноп журуп алып жатышат

Arzu.kg

2015-10-26 13:45:45

Жеп жутарлар тойгудай эмес,. дагы 5 жыл багабыз бул пайдасы жокторду

boze

2015-10-26 17:52:53

Депутаттардын курсагын жарыш керек . Кылган кыз маты жок отурушат эми буларды тойгуча дагы 5 жыл отот.

adiletkina

2015-10-26 19:55:18

колдо окмоттун пансионатында иштедим эле .айлык бергенде бир айдыкын эмес суранган 1 кунумдун акчасын кошпой иштебептирсн деп ээзшти ле даа

aruuzat88

2015-10-27 12:41:47

Мен түшүнбөйм,ушунчалык көп депутаттын эмне кереги бар же иштебегенден кийин.

Mir83

2015-10-28 11:00:26

Бизге депутат да президент да керек еместей болуп калды. Эл дин буларга болгон ишеничи жоголду.соц сеттерди карасан жаштар еки тарап болуп урушуп еле жатып калышты. Мен чуйлук сен оштук деп жатса жаштар, Кыргызстандын келечеги ойлогондой эч ким жок. Чондорубуз келечеке ушундай мамиле жасап жатса келечеке кандай осуят калтыра алат болду екен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 677, 23-октябрь-29-октябрь, 2015-ж