ЯПОНИЯ «МАНАС» АЭРОПОРТУНА КӨМӨК БЕРЕТ

26-октябрь күнү Япониянын өкмөт башчысы Синдзо Абэ Кыргызстанга атайын иш сапары менен келип кетти. Президент Алмазбек Атамбаев премьер менен япон тилинде «коничива» деп саламдашып: «Эки жыл мурун бизди Японияда жылуу кабыл алганыӊызга ыраазычылык билдирем. Ал жактан сакура алып келип отургузган элек. Бишкекте сакуранын өсүп кетишин жакшы жөрөлгө деп ойлойм»,- деди. Япон премьери президент Алмазбек Атамбаевди парламенттик шайлоону ийгиликтүү өткөрүп алышы менен куттуктады. «Биз демократиянын жалпы баалуулуктарын теӊ бөлүшөбүз»,- деди Синдзо Абэ.
Жолугушуунун жыйынтыгында Кыргызстан менен Япониянын ортосунда 9 келишимге кол коюлду. Жалпысынан алганда, эки өлкө ортосунда 120 миллион доллардан ашуун каражатты камтыган келишимдерге кол коюлган. Анын ичинде 107 миллион доллар Ош-Баткен-Исфана жолун куруу үчүн 40 жылга насыя катары, «Манас» аэропортунун коопсуздугу үчүн 14 миллион долларлык материалдар грант түрүндө берилмей болду.
Маалымат үчүн: Синдзо Абэ япон премьерлеринин ичинен Кыргызстанга келген биринчи өкмөт башчы болду.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

soccer_boy95

2015-11-02 22:39:14

Ушул акчалардын 90%и иштетилсе гана?жок болот да булар да

Shanson

2015-11-06 12:05:03

Аба майданга сумке салып ташуучу кол араба сатып берип койсо гана эми ошол акчанын бир бөлүгүнө? Дайым келгенде кол араба талашып калат жүргүнчүлөр..

Комментарий калтыруу үчүн өз ысымыңыз менен кириңиз же каттоодон өтүңүз.

№ 678, 30-октябрь-5-ноябрь, 2015-ж