№38-МЕКТЕПКЕ БАСТЫРЫП КИРИП БЕЙБАШТЫК КЫЛГАНДАРДЫН БЕШӨӨ КАМАЛДЫ

№38-мектепке кирип барып окуучуларды сабап, терезени талкалаган Олимпиадалык резервдеги республикалык окуу жайынын тарбиялануучуларынын экөө 18 жашка чыкканына байланыштуу 2 айга СИЗОго камакка алынышты. Мындай чечимди Бишкектин Свердлов райондук соту чыгарды. Аталган окуу жайдын тарбиялануучусу болгон 16-17 жаштагы дагы үч өспүрүм балдар колониясына жиберилди. Негизинен аталган окуя боюнча шектүү катары 7 өспүрүм айыпталууда. Алардын экөө ата-энесинин кепилдиги менен коё берилген.
Эске салсак, 20-октябрда Бишкекте спорт мектебинин тарбиялануучулары №38-мектепке кирип келишип окуучуларды сабап кетишкен. Окуя боюнча «бейбаштык» беренеси менен кылмыш иши козголуп, 47 бала катыштыгы бар деп кармалып, суракка алынган. Коомчулукта аталган спорт мектебин жаап салуу керек деген ойду кармангандар да чыкты. Бирок азыркы өкмөт башчынын милдетин аткаруучу Темир Сариев, ИИМ жетекчисинин милдетин аткарып жаткан Мелис Турганбаев өӊдүү үлкөндөрдү тарбиялап чыккан спорт мектептин жабылышы күмөн.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Pantherka

2015-11-02 12:31:17

Ушул мектептин ызы-чуусу бутпой койду го.

Pantherka

2015-11-02 12:33:00

Чет жака алып барып салсын, эч жака жибербей, негизи эле мындай от алган балдардын окуган жери жонокой мектептен алыс болушу зарыл!

hochuradosti

2015-11-03 15:00:03

Жапканга вообще болбойт. Просто тартипти дагы да бекемиреек кылып кучотуп койсун!!!

m.a.d.e_i.n_m.a.m.a

2015-11-05 16:23:39

2 бала ата-энесинин кепилдиги менен чыгарылгандай ''өзгөчө'' балдаи бекен эмне?

Комментарий калтыруу үчүн өз ысымыңыз менен кириңиз же каттоодон өтүңүз.

№ 678, 30-октябрь-5-ноябрь, 2015-ж