«ТЕЗ ЖАРДАМДЫН» ДАРЫГЕРИН САБАГАН ЖАРАН БОШТОНДУКТА ЖҮРӨБҮ?

Бишкекте кош бойлуу аялга жардам көрсөтүү үчүн барган «Тез жардам» кызматынын дарыгери ал аялдын күйөөсү тарабынан сабалды. 25-октябрь күнү Тимур Фрунзе көчөсүндөгү үйлөрдүн бирине чакыруу түшкөн. «Тез жардам» кызматынын дарыгери жана фельдшер айтылган дарек боюнча барышканда аял босогодо жаткан. Анын күйөөсүнүн колу кан болгон. Дарыгер аялдын абалын сурап баштаганда анын күйөөсү сөзгө аралашып, ашыкча суроолорсуз аялын алып кетүүнү талап кылып, жыйынтыгында дарыгерди сабап салган. Анын баш мээси чайкалып, бир нече жаракат алган.
Бул окуя коомчулукка маалым болгон соӊ вице-премьердин милдетин аткаруучу Дамира Ниязалиева мындай көрүнүш биринчи жолу болуп жатпаганын белгилеп: «Бул факт укук коргоо органдары тарабынан тереӊ изилденип, күнөөлүүлөр тиешелүү жазасын алышы керек. Мен бул ишти өз көзөмөлүмө алам»,- деди.
Айрым маалымат каражаттары дарыгерди сабаган Талант Айтбаев аттуу адам экенин жана ал боштондукта жүргөндүгүн жазып чыгышты.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

magic1721

2015-11-02 19:22:18

псих го куйоосу...

aku

2015-11-02 19:37:17

Эки тараптын тен версиясын уксак жакшы болмок,аялы эмне болду экен анан болницадан барып кабар алса болмок да

Ledi89

2015-11-03 16:15:34

Тооба ушундайда болубу.

asdf

2015-11-04 15:39:03

Конуп калгандай кечигип барды да мен деле жиним келген 2саат кутконбуз келинчегимдин бойунда бар болуп угроза болгондо.Мен деле сабагым келген. не кечиктинер десем не адам олуп атты беле деп камарабайт. мен го кармандым бул байкуш кармана албай калса керек да

Комментарий калтыруу үчүн өз ысымыңыз менен кириңиз же каттоодон өтүңүз.

№ 678, 30-октябрь-5-ноябрь, 2015-ж