БЕКТЕМИР ТОЙ ӨТКӨРҮҮНҮН ОРДУНА САЯКАТТООНУ ТАНДАДЫ

Апрель айында «Салам, Нью-Йорк!» тасмасынын башкы каарманы, актёр Бектемир Мамаюсупов сүйүктүүсү Мунарага баш кошконун жазганбыз. Анда эки жаш кыз узатуу тоюн өткөрүп, элден бата алышкан болчу. Заманбап тойду өткөрүүнүн ордуна жан шериктер Түркияга барып бал айын өткөрүп келишкенин угуп, актёрду кепке тарттык.

– Бектемир, заманбап тойдун ордуна саякатты тандап алыпсың...
– Мен кыз узатуу тойго да каршы элем. Кыргыздын каада-салты менен ата-энесинин колунан алып кетейин дегем. Бирок Мунара улуу кызы болгондуктан той беришкен. Ысырапкорчулукту жактырбайм, ошондуктан той өткөрчү акчага Түркияга барып саякаттап келдик.
– Бирок өмүрүңдө бир жолу үйлөнөсүң, той өткөрүш керек деген жаштар да бар...
– Той өткөрүү – бул баш оору. Көптөр жылдап чогулткан акчасын 1 күндө коротуп отуруп калышат. Тойго 10 миң доллардан 30 миң долларга чейин акча каражаты кетет. Ошол акчага жер тилкесин, унаа сатып алып кийинки жашоону ойлош керек да. Эң негизгиси жубайлар бактылуу болуп кетиши керек.
– Кандай эс алдыңар?
– Түркиянын Шанлыурфа, Стамбул шаарларында болдук. Ал жакта досторубузга жолугуп конок болдук. Стамбулга 1998-жылы комуз ойноп фестивалга барганда бир үй-бүлөнүн үйүндө жүргөн элем. Ошол үй-бүлө менен телефон аркылуу сүйлөшүп турчубуз. 18 жылдан кийин кайрадан аларга жолуктум. Алар бизди тосуп алып мейманканабызга чейин төлөп беришти. Кыскасы, жаңы эмоциялар, жаңы жерлер. Той өткөргөндө акчаны сапырып отуруп калмакпыз.
– Мейманканага чейин төлөп беришсе, анда сарамжалдуу саякат болгон экен?
– Ооба. Билетке 1000 доллар, басып-турганыбызга 1500 доллар кетти. Ошол акча кийим-кече алганга да жетти. Той менен эч нерсени даңазалай албайсың. Анын ордуна бизге окшоп саякаттап сарамжалдуу болуш керек.
– Рахмат, бактылуу болгула!

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (24)

Book

2015-11-09 15:08:09

Эң туура,азаматтар,кошулам...

aziziko

2015-11-09 15:57:02

Туптуура кылышыптыр. Бир Америкалык киши бизге лекция окуп жатып кыргыздардын уйлонуу тойу жонундо соз болуп калды Ал кыргыздар Россияга же башка жака барып иштейсинер анан келип ошончо жыл иштеген акчаларын тойго коротушат анан кийит кийип эт жеп ата энелер жыргайт бирок алар билишпейт кандай кыйынчылык менен ошол акчаны таап келишти . Кээ бир ата энелер кредит алып свадьба беришет аны тологон учурда эки жаш сен кылдын мен кылдым деп отуруп ажырашып кетишет деп айтса оозум ачылып калса болобу

+10

bema19.86

2015-11-09 18:28:29

Эн туура жуз пайыз кошулам той болот тойдун эртеси болот дегендей азамат акылына береке тойго сарптаган акчага уй же керектуу нерсеге жумшоо жакшыго

chyngyz-KG

2015-11-09 21:07:36

Элдер не дейт уят деген закон менен той болуп кетет.Элдер барибир соз кылат.Тойдо отуруп Банан жейт элем бул ананас коюптур дегендей.Молодец брат бактылуу болгула,ийгилик.

Shat.88

2015-11-09 23:15:19

Молодец ушундай жигиттер жагат да,жигит болсон шок бол шок ьолбосон жок бол дегендей жооп бериптир.

Tima07

2015-11-10 00:26:16

кыргыздын салтында барбы анан келин куйоо чет жака барып эс алып келген

-14

elya.choi93

2015-11-10 04:00:57

Молодцы! Кыргыздын жаштары акылдуу болуп бара жатканына ичим жылыды

balzak

2015-11-10 11:43:39

мына (орусча айтканда-наконец-то)жакшы жышаандын-көч башы,аябай жакшы, керектүү маалымат,силер үчүн кубанычтамын,бактылуу болгула, балалуу болгула!!

Bakyr

2015-11-10 13:31:15

daa en tuura barakelde! men da sizge koshulam i koldoim! baktyluu bolunuzdar!!!

chupachups-89

2015-11-10 18:08:54

Биздин той ошондой болду. Азыраак киши чакырып, кундузу эле. Ак койнок, кортеж жок. Ашып барса 90 мин сом кетти баш-аягы. Тойдон кийин Туркияга, Кипрге эс алып келдик. Кредит алып, же карызга батпай эле, жылдап тапкан акчаны бир кундо чачпай эле откордук.

leili1

2015-11-11 02:25:36

Бактылуу болгула! !!Эн сонун, мына ушинтип эле ойлонуп,уйлонушсо болотго жаштар.Созсуз элге корунуп ашыкча ысырап кылып той бербей, ошол ысыпаптында жообун беришти ойлош керек.

Ledi89

2015-11-11 15:53:52

Бактылуу болушсун. Арким озу каалагандай кылатта. Бирок саякат кылган дары жакты. Келечегин ойлогон бала экен турмуштун ысык суугун тартканы корунуп турат.

Kunbeken

2015-11-11 17:09:27

Бактылуу болгула!

vilka123

2015-11-11 18:06:40

бактылуу болгула

vilka123

2015-11-11 18:05:26

бактылуу болгула

dastanbik

2015-11-14 12:26:01

Beka baktyluu bol, doske.

Комментарий калтыруу үчүн өз ысымыңыз менен кириңиз же каттоодон өтүңүз.

№ 679, 6-ноябрь-12-ноябрь, 2015-ж