ДҮЙНӨДӨ ЭМНЕ КЕП?

Индия
КАШМИРДЕ МАЖҮРҮМ ТАЛДЫН БУТАКТАРЫН КУРГАТУУ СЕЗОНУ
Индиялыктар учурда кыштын камын көрүп, себет токуу үчүн мажүрүм талдын бутактарын кургатуу менен алек. Себет ичине чопо идишти салышат. Чопо идиштин ичине болсо кышкысын жылынуу үчүн чокту салып коюшат. Чоподогу чок жылуулугун узакка кармагандыктан кышында эл идишти төшөктүн алдына салып алышат. Кышкысын аталган өлкөдө электр жарыгы көп өчкөндүктөн жана анын тарифинин баасы кымбат болгондуктан эл ушундай амалдарга барууда.

Иордания
ИОРДАНИЯНЫ СИРИЯЛЫК КАЧКЫНДАР КАПТООДО
Иорданиянын падышасы Абдалла II ибн Хусейн: «Биздин өлкө кабыл алган сириялык качкындардын саны болжол менен 1 миллион 400 миӊдин тегерегинде. Башкача айтканда, кабыл алуу жагынан жетер чекке жеттик, мындан ашыгын батыра албайбыз. Качкындар калктын жалпы санынын 20 пайызын түзүп калууда»,- деп билдирет.
Эскерте кетсек, качкындардын 10 пайызы атайын лагерлерде жашаса, калгандары Иорданиянын ар аймагына отурукташкан.

Науру
КАРООСУЗ, ТАШТАНДЫГА АЙЛАНГАН ӨЛКӨ
Науру аралында жайгашкан аталышы уйкаш өлкө мындан 30 жыл мурун дүйнөдөгү эӊ бай мамлекет эле. Анткени анда фосфат өндүрүлүп, аны сатуудан өлкө абдан байыган. Ар бир үйдө машина болуп, эл салык төлөөдөн толук кутулган. Бирок өлкөнүн ишенген фосфат кени акыры түгөнүп, өлкө кризистин кучагында калган. Учурда элдин 90 пайызы жумушсуз. Аралдан эскирген машиналар менен тамтыгы чыга баштаган үйлөрдү, кылар иши жок ары-бери баскан адамдарды көрүүгө болот.

Индонезия
ӨЛГӨНДӨРДҮН СӨӨКТӨРҮН ТАЗАЛОО ФЕСТИВАЛЫ ӨТТҮ
Индонезиянын Сулавеси аралында өлгөндөрдүн сөөктөрүн тазалоо фестивалы өттү. Андай фестиваль ар бир 3 жылда бир өтөт. Аралдын тургундары көзү өткөн жакындарынын сөөктөрүн коюлган жеринен алып чыгып, тазалашат. Анан тирүү кезинде кандай кийимдерди кийүүнү жактырса, ошондой кийимдерди кийгизишип, кайра көмүшөт.
Мындай салт көп кылымдан бери келе жатат. Фестивалдын жаралышына бир уламыш себеп делет. Илгери бир аӊчы дарактын түбүнөн өзүнө бейтааныш адамдын жарым чириген сөөгүн таап алат. Ал сөөккө өзүнүн үстүндөгү кийимдерин кийгизип, ырым-жырымы менен жерге берет. Өлгөн кишинин арбагы тигил адамды колдоп, жакшылыктарга жеткизген имиш.

Канымжан Усупбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (19)

Asadulla

2015-11-16 10:56:32

Иорданиянын падышасына таазим , бир туугандарды ошенттип тосуп алыптыр )))

Azim.00kg

2015-11-16 11:58:00

Абдан кызыктуу нерселер экен.

Rifle_2

2015-11-20 18:41:19

Azim.00kg,сөөк тазалагандар жинди го, казып кайра көмүп. Акылсыз салттар да көп дүйнөдө.

jetinur90

2015-11-16 12:17:11

науруну ХХХ ХХХ ХХХ башкарган экен бар болсо чара-чара,жок болсо бечаралардан. Иорданиянын падышасы жакшы падыша экен. А муногу ХХХ ХХХ ХХХ.

admin_superstan

2015-11-16 12:38:33

jetinur90, башкалардын улутун, кимдир бирөөнү кемсинтүүгө тыюу салынган! 5 күн БАН!

omka100514

2015-11-16 12:26:28

Индонезиялагы фестиваль укмушго, тообо, олгон адамды да жон койушпайт экенда, казып чыгып кайра комуп

stal.ks

2015-11-16 13:53:57

жанына коюп суротго тушуп алыптырго, кандай адамдар булар, коркбогон

Kunbeken

2015-11-16 17:52:30

Индонезянын салты жроктун ушун алат го

aku

2015-11-16 22:59:21

Индонезиянын салты куруп калсын. Эчтемеден коркпогон ХХХ го.

admin_superstan

2015-11-17 11:33:17

aku, башкалардын улутун, динин жана башка нерселерин кемсинткен билдирүүлөргө тыюу салынган! 5 күн БАН!

-3

kenjebek77

2015-11-17 08:41:49

Ушу кантип болсун мазактагансып

ROUSE

2015-11-17 10:43:21

ужас.
соокторду жайына эле коюшпайбы

mika2511

2015-11-17 18:58:05

жакшы

perichte

2015-11-18 11:50:30

Тек койгула эми ар ким оз салтын жасай берсин,биздин деле коп салттар бироолорго жакпайт да ошондой эле кеп

AKCHA

2015-11-18 12:11:05

perichte,
Эмнеге тек коймок элек Кеттик Индонезяга бул салтты туп тамырынан бери жоготуп келевиз )))

Lyubimka

2015-11-19 15:35:10

Тобооо...олгон адамды жон койбойбу..ал эми легендасында ал олгон адамды жон эле коомп коюптур го..кайра 3 жыл сайын казып алып, кийиндирген эмес да!!!

-1

japardos

2015-11-19 17:48:20

lyubimka туура айтасын уламышка туура келбейт

Ledi89

2015-11-19 21:15:13

Индонезия нын салты коркунучту экен . Тооба жакшы эле кыргызстанда мындай салт жок. Мусулман болуп калганыма шугур.

zzz---zzz

2015-11-20 11:38:08

откондо бизде студенттер моркто олгон адамдар менен суротко тушуп аябай кызуу талкууга алынды эле ошолор индонезияга жаны кийимдерди ала барышсын тигилер менен кошо суротко тушот эле.

Комментарий калтыруу үчүн өз ысымыңыз менен кириңиз же каттоодон өтүңүз.

№ 680, 13-ноябрь-19-ноябрь, 2015-ж