ТҮРКИЯ МЕНЕН ВИЗАСЫЗ РЕЖИМДИ ЖОЮУ КЕРЕК ДЕГЕН ЧИНОВНИК ЭЛДИ КЫЖЫРДАНТТЫ

Маданият, маалымат жана туризм министрлигинин алдындагы Туризм департаментинин башчысынын орун басары Михаил Ким визасыз каттам маселеси боюнча маалымат каражаттарынын бирине жооп берип жатып «кооптуу болуп жаткандыктан Түркия менен Кыргызстандын ортосундагы визасыз каттамды жок дегенде жарым жылга токтотуу керек» деген ойду айтты. Орусия менен Түркиянын ортосундагы мамиле чыӊалып турган чакта эгемен Кыргызстандын чиновнигинин минтип айтканы, албетте, коомчулуктун көӊүлүнүн сыртында калган жок. Жогорку Кеӊештин депутаты Дастан Жумабеков министр Алтынбек Максүтовго кайрылып: «Элде ар кандай таасир жараткан билдирүүнү эмнеге айтат? Бизде өкмөт, өкмөт башчы деген барбы?»- деди. Министр Михаил Кимге карата чара көрүлөт деп кутулду.
Эске салсак, Кыргызстан 45 өлкөгө визасыз каттам тартибин киргизген. Жакынкы күндөрдөн бери андай каттамдарды жоюу боюнча Жогорку Кеӊеште сөз болууда. Бирок визасыз режимди жоюуну көздөгөндөр коопсуздук үчүн эмес, виза берүүдөн түшүүчү каражатты кайра калыбына келтирүү үчүн жанталашып жатышат. Бул маселени көтөрүп чыккан эл өкүлү Алмаз Баатырбековдун айтымында, визалык каттамдар күчүндө кезинде консулдук жыйымдардан бюджетке 5 миллион доллар түшүп турган.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

EdikoKG

2015-12-14 09:59:36

Туура эле демилге болчу. Турция ,Сирия тараптан келчу коркунучтарды алдын алуу керек. Ажобуз турктор мн мамилеси жакшы болгон учун,кошоматчыларына бул демилге жакпады окшойт.

chyngyz-KG

2015-12-14 11:23:47

Элге жакты,шефке жакпады.

Bandit_bala

2015-12-14 12:49:12

elge nege jaksyn okene jabyshkandan koro turktor menen mamile kyl oKene koshulup ne paida taptyn krizisten bash chykpai jatatko

Ago

2015-12-14 13:52:20

Туура суйлоп тууганына жакпады болуптур.

axtin

2015-12-14 15:09:43

Туура! Азыркы абалды козомолго алып ишке киргизишсе жакшы болмок, мекендештерибиз согушка да катышмак эмес анчалык коп санда...

Taiyang

2015-12-16 16:02:25

Туура !!!мен да колдойм бул демилгени !!!Виза жокко чыгарыш керек убактылуу !

Abdyrashit.Satylganov

2015-12-19 00:28:56

Мен деле колдойм жокко чыгарганды. Бирок Түркия менен Орусия минтип бет карашып турганда.. Бул нерсени колдоо менен Түркиядан мамилебизди үзүлүп алышыбыз ыктымал .Шашылбай коё турганы оңго дейм.бир тараптуу болуу өлкөгө зыян алып келет. Андыктан Кыргызстан азырынча эч бирине комментарий бербегени дурус

Комментарий калтыруу үчүн өз ысымыңыз менен кириңиз же каттоодон өтүңүз.

№ 684, 11-декабрь-17-декабрь, 2015-ж