БИР БҮРКҮМ

Жогорку Кеӊештин жыйынында оӊ рулдуу унаалардын жүк жана жүргүнчү ташуусуна тыюу салууну 2018-жылга чейин киргизбөө сунушталды. Мыйзам 2016-жылдын 1-январынан тартып күчүнө кирмек.
Баткен облусунда аялдардын 50,7 пайызы, Ош шаарында 47,1 пайызы жана Ош облусунда 48,1 пайызы күйөөлөрүнүн зомбулук көрсөткөндөрүнө макул экени атайын иликтөөлөрдүн жыйынтыгында белгилүү болду.
Кыргызстанда 15 жаштан 24 жашка чейинки аялзатынын 93,1 пайызы үй-бүлөлүк жашоосуна канааттанышат. Мындай жыйынтык көп индикаторлуу иликтөөнүн жыйынтыгында маалым болгон.
Кыргызстанда ар бир онунчу жаш бала ата-энесиз жашап жатат. Алардын көбүнүн ата-энеси тирүү.
№50-СИЗОдон качкан кылмышкерлер боюнча кылмыш ишин тергөө бүтүп, Свердлов райондук сотуна өткөрүлдү.
Кыргыз Республикасында калктын 58 пайызы бойго бүтүүдөн сактануу ыкмаларын колдонушпайт. Бул тууралуу маалымат Улуттук статистика комитетинин отчётунда белгилүү болду.
Дүйнөнүн 43 өлкөсүнүн балдары катышкан билим олимпиадасында кыргыз жеринен барган Чыӊгыз Тилебалдиев химия сабагы боюнча 3-орунду ээледи.
«2016-жылдан тарта мамлекет унаа номурларын чыгарууну өз колуна алат. Андан жылына 100-200 миллион сомдун тегерегинде акча түшүп турат»,- деди Мамлекеттик каттоо кызматынын башчысы Тайырбек Сарпашев.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

nargiz_96

2015-12-23 22:52:03

2016 жыл астротолго кана суукуйар?эмки санда чыгат дединер эле

admin_superstan

2015-12-24 10:20:10

nargiz_96, саламатсызбы!
"Саясат" эмес, "Жылдыз төлгө" рубрикасына чыккан))
http://www.super.kg/article/show/34517/

Комментарий калтыруу үчүн өз ысымыңыз менен кириңиз же каттоодон өтүңүз.

№ 685, 18-декабрь-24-декабрь, 2015-ж