«САКАЛ» НАРЫНДАГЫ АБАККА КАМАЛАТ

Эл аралык издөөдө жүрүп, өзү келген Сакал деген каймана аты бар Улан Токтосунов кармалып, тергөө башталарда аны тергөө изоляторуна камоо маселе жаратты. Жазаларды аткаруу кызматынан Бишкектеги СИЗОлордо Улан Токтосуновдун өмүрүнө коркунуч жаралышы мүмкүн экендиги жөнүндө тергөө башкармалыгына кат келген. Мыйзамдагы уурунун адвокаты эгер Бишкектеги СИЗО-1де коопсуздугун сактай албаса, демек, үй камагына чыгаруу керек деп чыкты. Бирок Биринчи Май райондук соту Токтосуновду тергөө бүткүчө Нарындагы СИЗОго камакка алуу чечимин чыгарды. Ал 14-январга чейин Нарынга жеткирилиши керек. Айрым маалыматтарга караганда, ал СИЗО-1ге кирүүнү көздөгөн. Божомолдорго таянсак, СИЗО-1де кылмыш дүйнөсүнүн өкүлдөрү отурушат жана маселелер ушул жерде чечилип, башка абактарга таркайт. Токтосуновду ал жакта өз адамдары күтүп жатышканы айтылып жатат. Башкача айтканда, Сакал СИЗО-1де таасир талашууга өтмөк.
Мындай жоромолдор, Жаза аткаруу кызматынын «Сакалды өлтүрүп коюшат, башаламандык чыгат» деп чочуп тергөө органдарына кат жиберип жатканы абактагы тартипти Жаза аткаруу кызматы көзөмөлдөйбү, же кылмыш дүйнөсүбү деген мыйзам ченемдүү суроону жаратат. Абактарда баш аламандык жаратпай, мыйзам чегиндеги тартипте кармоо Жаза аткаруу кызматынын милдети эмеспи?

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Wave.

2016-01-04 11:10:22

Тойгозду ушуга окшогондор. Деги Кыргызстанды кылмышкерлерден тазалоого эрки жеткен бироо барбы же баары коюн-колтук аралашып кеткенби ???

+15

bazarkyl

2016-01-04 11:27:51

Макаланын ачгына жакшы суроо коюлуптур. Служанкалары дебегенине шугур, "Хандар отурушат" эшиктерин ачып, тамагын жаткан болмосуно жеткиргенден башка эмне кылат дейсин.

+10

make2

2016-01-04 19:36:50

Сизо 1 ден өлтүрүп салатта, ал жерди Дамир караганда

aduu

2016-01-05 01:18:03

эээй олум жазасын киргизиш керек кытайды башка жакты карагылачы мындай нерселер жок биз эле

NURIEV

2016-01-05 21:43:24

Тобоо сизодо ким кимди карайт.значит ал жерде кылмышкерлер милицяларды кайтарат окшойт

romanov.82

2016-01-06 15:25:35

NURIEV, озу козомолдой турган тартип калганбы Кыргызстанда?

NURIEV

2016-01-05 21:46:51

тартипти Жаза аткаруу кызматы көзөмөлдөйбү.же кылмышкерлерби

Kara-kulzha

2016-01-06 15:19:17

Олум жазасын киргизбесе мындай башаламандыктын дагы далайы болот!

zara-919

2016-02-05 20:18:08

фбдан окудум азыр эле сакал ксдп депутаты чыныбай турсунбековдун бир тууганы экен. бири бирине поддержка берип журушот экен жа значить..

Комментарий калтыруу үчүн өз ысымыңыз менен кириңиз же каттоодон өтүңүз.

№ 687, 1-январь-7-январь, 2016-ж