Аталышы – «Достор» Өткөн жери – Кожомкул атындагы Спорт Ордосу Өткөн күнү – 1-январь Башталышы – 19:07 (билетте 18:00) Көрүүчүлөр – Залдын 60 пайызы (концерт бүткүчө 10 пайыз көрүүчү кетип калды) Билет баасы – 300-500 сом Алып баруучу – Чыӊгыз Мырзаев Мыкты номер – Султан Садыралиевдин «Кыргыз бийи», Мирбек Иманбековдун кызы Аруукенин аткаруусундагы «Атам менен энеме» аттуу ыр.
Үч дос жылдын жаӊырышы менен Спорт Ордосунда концерт берип жатканын угуп бардым. Көрүүчүлөр аз экени сырттан эле байкалды. «Арзан билет алгыла, мен арзан берем!» деп биринен экинчиси озунуп жабалактаган сатуучулар ичиндеги атмосфераны билдирип коюшту. Арзан билеттен алып ылдыйды шыкаалай карап амфитеатрга чыгып отурдум. Сахнада таптакыр жасалга жок, көзүмө өтө эле жупуну көрүндү. 1 сааттай концертти күткөн көрүүчүлөр «качан башталат, баштабайсыӊарбы?!» деп кыйкырып-ышкыра баштаганда сахнага жарык берилип, бийчилер чыгышты. Музыка жок, кыздар колдорун көтөргөн бойдон 5 мүнөттөй турушту. Достордун концерти ушундай мүчүлүштүк менен башталды. Бий бүткөндөн кийин концерттин алып баруучусу Чыӊгыз Мырзаев Акбар, Мирбек, Султанды сахнага чакырды. Султан колуна кагаз кармай чыгып гитара ойноп жаткан баланын жанына жайбаракат жайып койду. Көрсө, ал ырлардын тексти экен. Ырдай турган жеринде кагазга үӊүлүп, билген жерине келгенде сахнанын ортосуна барып жатканын көрүп төкмө акын Тууганбай Абдиевдин«казактан көрдүм кокуйду, кагаздан акын окуйбу?» деген эки сабы эске түштү. Аны улап:
Султандан көрдүм кокуйду Кагаздан ырды окуйбу? Жандуу ырдап жаткан соӊ Жаттап алса болбойбу?- дедим ичимден.
Мирбек «Таластык кыз» аттуу чыгармасын аккордеондун коштоосунда ырдады. Оюнда эл чогуу ырдайт десе керек. Көрүүчүлөр ырдашкан жок. Ырчы «келгиле, таластыктарча ырдайбыз!» деп кайра-кайра «Таластык кызын» созуп элди кыйнады. Мындай маанайга чыдамы түтпөгөн айрым көрүүчүлөр концерт жарымдаганда залдан чыгып кетишти. Концерт жарымынан өткөндө сахнага гүл көтөрүп бир айым чыкты. Гүлүн берип кетип калса аны менен кимдин иши? Ар сөздүн башын бир сүйлөп элдин чыдамын кетирди. Көрүүчүлөр «болду, токтот, чыгып кет!» десе да микрофонду бербейт. Концертти Мирбектин кызы Арууке кооздоду. Анын ата-эне тууралуу ырдаган эки ырына теӊ зал көтөрүлө кол чабышты. «Кызым менден да жакшы ырдайт бекен?» деген Мирбек «Апас Жайнаковдун «Ала-Тоо ак мөӊгүсү тийген кезде» деген ыры гимн болмок экен» деп ырдын бир сабын созолонтуп койду. Айланайын Мирбек, ырдын сөзүн билбесеӊ туура эмес ырдабай эле койбойсуӊбу! Ушинтип капа болдум. Салкын маанайда кайткан күйөрмандарын байкашса, кийинкиде концерттин деӊгээлин жогорулатар деп үмүттөнөм.
Толик сынчы
Кыстарылган видео
Султан, Мирбек жана Акбардын “Достор” аттуу концерти
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
aku
2016-01-11 10:11:33
)))) аябай сындаптыр го сынчы
+1
Mediziner
2016-01-11 10:56:29
Сахананы жасоого да оной каражат кетеби. Аларды деле тушунуп коюу керек, мумкун каражаттары жетишпей калгандыр. Бирок азыркы ырчыларга караганда аларда 100% талант бар. Болгону алардын жанып турган мезгили эчак отуп буткон, азыр алардын ордун жаштар ээлеп калды. Мезгил отуп, азыркылар да дал ушулардын кейпин кийишет.
+4
Bereke10
2016-01-11 14:10:00
Талантты мезгил очуро албайт. Бек Борбиевди эле мисалга алалы, канча концерт койсо да Аншлаг менен отот. Анткени элди сыйлап дайыма даярдык менен концерт берет. Талантым бар деп эле эптеп концерт коё бербеш керек, даярданып,репитиция кылып анан бериш керек да концертти. Таланты бар мыкты жигиттер бирок демоорчу таап сахнаны жасап,оздору да кийинип алышса болмок,шашып тойго келгендей эле сахнага чыкпай.Элди сыйлагыла ырчылар. Эл талантты сыйлагандан кийин.Сынды туура кабыл алышат деп ойлойм.
-3
Jaka1978
2016-01-11 13:21:51
Жакшы даярданышса болмок,чала-була бирдеме болуп калган го
0
karakchyyy
2016-01-11 13:38:15
Толик сынчы жонундо жазгылачы супер мен учун аябай кызык да кандай инсан болду экен консерттерге барсамда карай бермей болдум балким ушудур деп.
+3
sabyr86
2016-01-11 15:46:52
Жандуу концерттен эл бат чарчайт.даңка дук,дүңкө дүк дегенге көнүп алганбыз да.)
0
Tumara1992
2016-01-11 20:28:18
Ииий ушу Толик Сынчы жазып чыгат бекен деп куттуп жаттым эле. Чын эле супсак болгон аягына чейин тажап кеткем. Султан ырлардын созун жаттап алса болмок аябай жиним келди
+1
sakulai
2016-01-12 02:13:30
Jakwy ele bolgon go Tolik baike ayabai ele synchy da
+3
uluk5555
2016-01-14 20:43:18
Кыргызтанда дуркуротконго Султан убагында
+1
Ajar.
2016-01-16 01:39:38
Концерттин үстүнөн көөп адам иштеш керек да,эң биринчи сценарий сонун болуш керек,режиссер,продюсер,костюмер,хореограф ж.б. тыгыз иштесе, биз күткөндөй концерт болот деп ойлойм.Байкашымча,бизде концертти эч кыйналбай эле өткөрүп коюшат,мага ушундай сезилет.А Султандын талантын сыйлайм.
+3
ms-23
2016-01-17 01:47:36
озунорду эмес ЭЛДИ толкундаткыла жигиттер.
0
ms-23
2016-01-17 02:01:11
жвой зуук экен чем понаграма..
0
Комментарий калтыруу үчүн өз ысымыңыз менен кириңиз же каттоодон өтүңүз.
Аталышы – «Достор» 