КАРА ТЕРИЛҮҮ АКТЁРЛОР «ОСКАРГА» БОЙКОТ ЖАРЫЯЛАШУУДА

8-февралда 88-жолку «Оскар» сыйлыгын тапшыруу аземи өтмөкчү. Бирок киноакадемия 14-январда талапкерлердин тизмесин жарыялаары менен чыр башталды. Режиссёр жана актёр Спайк Ли кара терилүү актёрлордун тизмеде жок экенине нааразычылыгын билдирип, «Оскар» сыйлыгына бойкот жарыялады. «Ушундай кантип болсун? Экинчи жыл катары менен 20 талапкердин баары ак терилүү актёрлор. Биз эмне, жакшы ойной албайбызбы?
Менден «Оскар» сыйлыгына кара терилүү актёрлор эмнеге талапкерликке коюлган жок?» деп сурашууда. Мен деле ошол суроону киноакадемиянын өкүлдөрүнө бергим келет»,- деп интернеттеги жеке баракчасына жазып чыккан. Актёрдон тышкары Уилл Смиттин жубайы Жада Пинкетт-Смит да аземге барбай турганын билдирген. Андан сырткары аземге алпаруучулукка дайындалган кара терилүү актёр Крис Рокту да бойкот жарыялагандар «Оскарга» каршы үндөп жатышат.
Эске салсак, акыркы жолу 2013-жылы Люпита Нионго «12 жыл кулчулукта» тасмасы үчүн «Оскар» сыйлыгын алган. Ал эми кол чогултуп жаткан Спайк Ли 1989-жылы «Кандай керек болсо, ошондой кыл» («Делай как надо») тасмасына мыкты сценарий үчүн «Оскар» алганы маалым.

Динара Абдыкадырова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

begai93

2016-01-25 12:37:53

Эмнеге Кыргыздардан жоок ))))))

+11

Nurdoolot1996

2016-01-25 15:42:10

azyr dele rassaga karap jatyshbaiby

Nurdoolot1996

2016-01-25 15:45:06

tuuraby

sultan.kg

2016-01-26 19:59:05

Чынында кра терилуу актерлор мыкты ойношот.Мейли комедия мейли боевик! Туурабы достор?

BRATELLO

2016-04-15 06:06:11

sultan.kg,туптура брат алар мыкты аткарышат бирок Лео да Жон Адам емес кинолору жагат айрыкча отступники деген киносунда зынк аткарган ал татыктуу

Комментарий калтыруу үчүн өз ысымыңыз менен кириңиз же каттоодон өтүңүз.

№ 690, 22-январь-28-январь, 2016-ж