СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
«Бээжин-2008» Олимпиадасынын коло медалынын ээси Руслан Түмөнбаев Жол-кайгуул кызматынын өкүлдөрү менен мушташып, тапанча такап коркутту деп кармалды. Интернетке жүктөлгөн видеотасмада спортчунун бети канга боёлуп турганы көрүнөт. ИИМдин маалыматына ылайык, 20-январдан 21-январга караган түнү жүргүзүлгөн рейддин алкагында Лексус 330 үлгүсүндөгү унааны башкарып жүргөн Түмөнбаев токтотулган. Тиешелүү документтери жок болгондуктан унаа айып пул төлөөчү жайга киргизилген. Көп өтпөй ал блокпостко кайтып келип, МАИ кызматкерлерин тапанча менен коркуткан. Республикалык наркологиялык борбордон ал мас абалда экени аныкталган. «Стример» үлгүсүндөгү тапанчанын сериялык номуру өчүрүлгөн жана ага тиешелүү документтер да жок болуп чыккан. Ал эми Руслан Түмөнбаев мындай маалымат чындыкка дал келбесин айтып билдирүү таркатты. Анда «Кызматкерлерге карата эч кандай күч колдонгон эмесмин. Баса белгилеп айта кетчү жагдай, мен ичимдик ичпейм. «МАИ кызматкерлерин тапанча менен коркуткан» деген маалымат да чындыкка дал келбейт» деп айтылат. Спортчуга карата «ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү» жана «бийлик өкүлүнө карата зомбулук көрсөтүү» беренелери боюнча кылмыш иштери козголуп, өлкөдөн чыкпоо талабы менен камактан бошотулган.