Атактуу болуш оӊой эмес экенин атактуулар жакшы билишет. Сүйүктүү ырчысынын ар бир баскан кадамы, колдонгон буюму, жеке жашоосу, айдаган машинасы күйөрмандарына кызык. Көптөгөн күйөрмандардын суранычы менен популярдуу ырчылар кандай машина айдаарын билип бергенге аракет кылдык.
Нурлан Насип: «ЫРЧЫ БОЛУП МАРШРУТТУК ТАКСИДЕ ЖҮРСӨМ УЯТ ГО»
Үлгүсү – Subaru Tribeca Чыккан жылы – 2006-жыл Чыккан өлкөсү – АКШ Түсү – Кара Кыймылдаткычтын көлөмү – 3000 см3 Май чыгымдоосу (100 чакырым) – 15 литр Баасы (өзүнүн айтымында)– 17 миӊ доллар Учурдагы базар баасы – 10-13 миӊ доллар Сатып алган жылы – 2015-жыл
– Машина мага жумушту тез бүтүрүү үчүн керек. Түндө калганда, алыска жол жүргөндө кыйналбайсыӊ жана кээде адамдын статусунан да кабар берет. Мисалы, мен ырчы болуп маршруттук таксиде жүрсөм уят го. Көп маркадагы машиналарды айдадым, аягында ушул Subaru үлгүсүнө токтолдум. Кичинемде Мерседес үлгүсүндөгү машина айдоону кыялданчумун, аны да айдап көрдүм. Мурунку машинам көп бузула берчү, бензин да көп иччү. Бул машинамды алгандан бери машина оӊдоочу жайга азыраак барып калдым.
Гүлжигит Калыков: «КЫЗДАРГА ЭМЕС, МАШИНАМА КӨП АКЧА КОРОТОМ»
Үлгүсү – Mercedes-Benz E-550 Чыккан жылы – 2004-жыл Чыккан өлкөсү – Германия Түсү – Ак Кыймылдаткычтын көлөмү – 5500 см3 Май чыгымдоосу (100 чакырым) – 20-25 литр Баасы (өзүнүн айтымында) – 18-20 миӊ доллар Учурдагы базар баасы – 10-12 миӊ доллар 2015-жылдан бери айдап жүрөт. Машинаны ишкер байкеси Шаршенбек Абдыкеримов белек кылган.
– Мен машинасын тыкан, таза алып жүргөн айдоочулардын катарына кирем. Бир жери чийилип калса, дароо оӊдотом. Бут кийими кир кишилерге «бутуӊарды сүртүп киргиле» деп эле айтам. Анан абдан аяп айдайм, таштак жолдордон буйтап, бирөөлөрдөн ашам деп жарыша бербейм. Дөөтүмө 1 айда бир топ эле акча коротом. Айрымдар кыздарга көп акча коротушса, менин тапканымдын теӊи эле машинама коройт.
Асел Кадырбекова: «МАШИНАМ – МЕНИН ХАНБИЙКЕМ»
Үлгүсү – Nissan Skyline Чыккан жылы – 2003-жыл Чыккан өлкөсү – Япония Түсү – Күӊүрт боз (мокрый асфальт) Кыймылдаткычтын көлөмү – 2500 см3 Май чыгымдоосу (100 чакырым) – 12-13 литр Баасы (өзүнүн айтымында) – 6 миӊ доллар Учурдагы базар баасы – 2500-3500 доллар Сатып алган жылы – 2014-жыл
– Машинам бензинди көп ичет. Кээде жиним келгенде «качан тоёсуӊ?» деп урушуп салмайым бар. Айрымдар жини келгенде рулду койгулап эмоциясын чыгарышат эмеспи, мен антпейм. Апам «машинанын ичинде отурганда сатам, алмаштырам деп айтпа, аны сезет» деп калат. Ошондо рулду сылап «ханбийкем» деп эркелетип коём. Алмаштырам деп эле келе жатам, бирок «однолюб» болгонго эч эле башкага алмаштыра албай жүрөм.
Данияр Эрматов: «1 АЙДА 30 МИӉ СОМГО БЕНЗИН КУЯМ»
Үлгүсү – Lexus RX 330 Чыккан жылы – 2006-жыл Чыккан өлкөсү – АКШ Түсү – Ак Кыймылдаткычтын көлөмү – 3300 см3 Май чыгымдоосу (100 чакырым) – 16-17 литр Баасы (өзүнүн айтымында) – 17 миӊ доллар Учурдагы базар баасы – 11-15 миӊ доллар Сатып алган жылы – 2015-жыл
– Негизи, машинадан жолдуумун, мен алган машиналар чыдамкай, оӊою менен бузулбайт. Азыркы Лексус үлгүсүндөгү машинамдын Кыргызстандагы алгачкы кожоюнумун, жапжаӊы абалында сатып алгам. Азырынча бузулуп, мени ара жолго калтырып таарынта элек, зуулдап эле кызмат кылып жүрөт. Машинам экинчи үйүм десем болот, кээде анда түнөп да калам. Күнүнө жок дегенде 1000 сомго бензин куям, ошондо 30 күндө 30 миӊ сомум бензинге короп кетет.
Айгерим Расул кызы: «МАИ КЫЗМАТКЕРЛЕРИ МЕНЕН МАМИЛЕМ «БЕШ»
Үлгүсү – Lexus GX 470 Чыккан жылы – 2008-жыл Чыккан өлкөсү – АКШ Түсү – Ак Кыймылдаткычтын көлөмү – 4700 см3 Май чыгымдоосу(100 чакырым) – Билбейт Баасы (өзүнүн айтымында) – Тааныштарынан 25 миӊ долларга алган Учурдагы базар баасы – 22-28 миӊ доллар Сатып алган жылы – 2015-жыл
– Мен иштеген жерде МАИ кызматкерлери көп турушат, аларды күндө көрөм. Баары менен мамилем «беш». Бул машинамды алгандан бери эреже буза элекмин. Негизи, өзүм машина менен оорубайм, сатып алгандан бери айдалбай үйдө турду. Алыс жолго айдап көп кыйнай элекмин, азырынча эркелеп жатат. Бир жери чийилип же майын алмаштырыш керек болсо, ал жумуштун баарын жолдошум кылат.
Съездбек Искеналиев: «МАШИНАМДЫ АРЧАЛАП ТУРАМ»
Үлгүсү – Toyota Highlander Чыккан жылы – 2004-жыл Чыккан өлкөсү – Япония Түсү – Кара Кыймылдаткычтын көлөмү – 3300 см3 Май чыгымдоосу(100 чакырым) – 15-17 литр Баасы (өзүнүн айтымында) – 15 миӊ доллар Учурдагы базар баасы – 8-10 миӊ доллар Сатып алган жылы – 2014-жыл
– Бул менин төртүнчү машинам. Аябай ыӊгайлуу, тоо-ташка чыксаӊ да болот, тактап айтканда, айылга да, шаарга да ылайыктуу. Унаамды эркелетип «кара жоргом» деп коём. Негизи, машинаӊды кандай карасаӊ, ошондой жүрөт. Менин машинамда эч ким тамеки чекпейт, арак ичпейт. Жумасына бир жолу арчалап турам.
ОШОНДОЙ ЭЛЕ... Айбек Карымов – Lexus LX 470, Урмат Усенов – Lexus GX 470, Анжелика – Lexus GS 350, Өктөм Сапар уулу, Мурат Жалиев – Lexus RX 330, Борончу Кудайбергенов – Toyota Land Cruiser 100, Бактияр Токторов – Toyota Prado, Замир Арыкбаев – Toyota Highlander, Аваз Акимов – Toyota Windom, Автандил, Бегимай Бекбоева, Нурзат Токтосунова, Байыш Момунов – Toyota Harrier, Гүлзинат Суранчиева, Нурзат Садыкова – Toyota Camry, Асел Турдалиева – Mercedes-Benz 320 Elegance, Нурмат Садыров – Honda Accord, Дайыр Исмадияров – Mercedes-Benz С-класс 200, Гүланда, Назира Жетигенова – Honda CR-V, Арсен – BMW X5 үлгүсүндөгү унааларды айдашат.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (30)
Aigera_a
2016-02-16 03:42:17
Данияр азаматсыз!!ырларыныз да создорунуз да манилууу бар болунуз.Аллах таалам эки дуйнонун бактылуулугун берсин
0
Asizhan
2016-02-16 12:03:52
Очень приятный парень Данияр. Ведущий данного интервью тоже очень грамотный, професионал своего дела, но открывать чужой кошелек и считать чужие деньги-это очень не красиво и не прилично.
+2
ainuska00
2016-02-16 17:51:00
Нурлан Насип коп мактанган жигит экен....Маршруткада журсом уят го деп....Асманга башын жетсе да,жонокой болгон жакшы....
0
jyldyzay
2016-02-16 23:19:48
ммм... машинанардын донгологунон ар дайым шамал отсун
+1
Inna_91
2016-02-17 20:17:15
Зорго машиналары эн соонун
0
nari00
2016-02-17 20:59:38
Нурлан озунун ким экендигин унуткан сыягы, кэчээ эле айылдан келип , малдын тубун тазалап,эшек минип жургонун
эсинен чыкканго.Корбогондун коргону курусун деген ушуда.Уну Кыргызстан эле гатурган темпте, чет мамлекеттерге конкурсттарга бара албайт,анан маршруткада журбойм,мен звездамын дегенине олойун.
0
turaliev
2016-02-18 00:52:51
Айгеримден башкасы калпычылар экен машиналарын 2 эсе кымбат баалашатго тим эле)
+3
Alina72
2016-02-18 01:11:20
Баардык ырчылардын машинасы кут болуп,дооту колдосун.
0
Nazikbaigazy
2016-02-18 02:42:51
Дютифринин главный директору миллиадери батирде жашап метродо журотго, , фейсбуктун директору миллиадер фит минип еле журотго, а биздин ырчылар маршуртта журуштон уялат,аман эле болгула.
0
Nazikbaigazy
2016-02-18 02:51:53
Данияр айына 30 минге бензин куйса башка чыгашасы канча болотда. Айына кирешеси канча, баарынарда еле лехсуз екен шайлоодо Жакшы еле баккан окшойт депутаттар
0
Abaeva-1987
2016-02-19 14:04:45
Государство ырчыларга айлык толоп бербегенден кийин ак эмгеги менен алып жатышат да. Депутат элден жегенин хотябы элдин ырчыларына толоп берсин!Азаматсынар.Жакшылыка айдагыла!
+1
Guli91
2016-02-19 17:51:26
Жол эрежесин так сакташса эле болот
+1
nuriwka
2016-02-19 18:53:12
Хм....нурлан чын эле звезда го озунчо,каяктагы статусту айтып,а Данияр молодец опко эмес
0
nur007mir009kg
2016-02-20 08:02:31
Мен да машина айдагым келет отто жакшы кором. Кудай магада машина айдаганды насип кылсын. Батанарды берип койгулачы.
0
Inna_91
2016-02-21 23:43:02
Правам бар машинам жокта машина айдагым келет
0
Комментарий калтыруу үчүн өз ысымыңыз менен кириңиз же каттоодон өтүңүз.
