ТОЙ-АШТАРДЫН ЧЫГЫМЫН ЧЕКТӨӨНҮ СУНУШТАГАН МЫЙЗАМ СЫНГА АЛЫНУУДА

Жогорку Кеӊештин депутаттары мыйзам чегинде той-аштардагы ысырапчылыкты чектөөгө белсенип жатышат. Учурда мыйзам долбоору коомдук талкууга коюлду.
Мыйзамдын авторлорунун айтымында, документ мамлекеттик жана муниципалдык кызматкерлер арасындагы той-аштардагы ысырапкорчулукту жоюуга багытталат. Долбоордо ар кандай той-аштардагы коноктордун саны, кандай белек берүүгө болору, андай мааракелерди кайсы күндөрү өткөрүүгө болору көрсөтүлөт. Маселен, сүннөт тойго 100дөн ашпаган адамды чакырууга болот жана анда белектерди тойдун күнөөкөрү болгон балага гана берүүгө уруксат. Үйлөнүү тойго 150дөн ашык киши чакырылбашы керек. Буга катар кийит кийгизүү, кудалардын бири-бирине белек бермей салттарына да чектөөлөр болот. Кыз узатуу тоюна эӊ көп болгондо 50 адам келе алат. Маркумду жерге берүү зыйнатында мал союуга тыюу салынат.
Мындай мыйзам долбоору коӊшу өлкөлөрдө буга чейин кабыл алынган. Ал эми Кыргызстандагы коомдук талкууга чыгарылган мыйзам долбоорунун демилгечилеринин башында депутат Аида Салянова турат. «Аида Салянова бул мыйзам долбоорун Тажикстандагы мыйзамдан көчүрүп алган» деген сындар айтылып, бул документтин өзү кабыл алынса да популисттик максатты гана көздөйт дегендер четтен чыгып жатат.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (19)

Flander

2016-02-15 13:59:49

Кайра эле өзүбүзгө пайда ысырапкерчилик жоюлса.

ayushka

2016-02-15 15:13:31

Тажикстандын мыйзамын кочуробу кочурбойбу чектоо коюлушу аябай керек бп калдыгоо озубузду озубуз кыйнап канча акчаны сапырып мен колдойм тойго мейли олумдо канча ысырапкерчилик бп жатат элге деле жагат эле...

+11

ayushka

2016-02-15 15:15:58

Кыркы жылы ашы кок кийгени ак кийдиси кереги жок эле салттар...

Aisanat

2016-02-15 16:59:13

Анан дагы дасторконду шыпырып кеткен салтыбызды да жойсок.Чонтокко баткан кашыкка чейин салып кетпей, Озгочо адам олгондо уят эле.

+16

nabievich

2016-02-15 18:09:58

Бул Мыйзамга эл суусап турат тез аранын ичинде киргизбесек болбой калдык кыргыздар бири-бирибиздин канбызды соруп атабыз

bagira77

2016-02-15 19:02:49

Туура эле болмок,ушул кичине пвйдалуу иш депутаттардан

sabyr86

2016-02-15 21:59:00

Бизде алына жараша иш кылуу деген жок,бирөө укмуш той берди мен да ошентишим керек деп кредит алып эле жинди боло беребиз.

Kroxa

2016-02-16 01:23:49

Кридит алып оокат берип кызга,кридит алып аял алып баласына толой албаган киши кр..да четтен чыгат...

ZANIA-92

2016-02-16 01:48:54

Ой менин кошунамдын кудасынын инисинин баласынын кайниси укмуштай чон той бериптир деп, тээ алыстагы тааныбаган бироого деле атаандашып той бермей мода болуп кетпедиби. Ошондуктан мен да колдойм.

Adik01219

2016-02-16 02:06:37

Бул мамлекеттин иши эмес кыргыз эли байыртадан той ашка жакын эл болгон бирок чеги менен!! Анан суннот тойго 100 дон ашпасын деген идеялар туура эмес!!!ошол чон тойду ХХХ ХХХ ХХХ

admin_superstan

2016-02-16 11:19:40

Adik01219,
Кимдир бирөөнү кемсинтүүгө, кадыр-баркына шек келтирген билдирүү калтырууга тыюу салынат!
30 күн БАНга!

ilek_ilek

2016-02-16 10:35:42

Тезинен кучуно киргизсе экен ушул мыйзамды

myk

2016-02-17 00:07:17

Тойго которуп келген себетти да жоюш керек. Минимум 2000 ге даярдайсын себетти ашыкча чыгым.тойго кел ич же кет.

Amankg

2016-02-18 13:34:32

Бул эн туура мыйзам. Баарыбыз Кыргыз эли колдошубуз керек. Чындыгында кыргыздын тапкан акчалары той аштан эле артпай келет, нанан кантип Эл байыйт. Азыр заман озгоду, эл да озгорду ошого жараша кээ бир салттарды да озгортуш керек. Конечно Улууларыбыз бул мыйзамга каршы болушат, бирок заман менен кошо алдыга жылышыбыз керкек да. Ансыз деле Кыргыздар канча артта калдык. Онугуш керек туугандар. Мен бул мйзамды колдойм.

Amankg

2016-02-18 13:39:47

myk туура айтат. Азыр барган жерине соссуз дасторкон алып барасын. Бир жерге дасторконун эле 2000 сомду чапчыйт. Анан да бизде УЯТ деген соз бвр, намыстанып акчаны жерден чукусан да таап дасторкго алып бармай. Дегеле койчу кайсы бирин айтасын

piramida

2016-02-21 23:46:43

Туптуура жойуш керек ашыкча ысырапкорчулукту тезинен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 693, 12-февраль-18-февраль, 2016-ж